ഭ്രാന്തിക്കുട്ടി 5 [Hope] 668

പിന്നെ അന്നങ്ങനെ സംഭവിച്ചതൊക്കെ അവളോടുള്ള സ്നേഹത്തിനു പുറത്താണെന്നെനിക്കറിയാം… അതേതൊരച്ഛനായാലും ആ ഒരു സിറ്റുവേഷനിൽ അങ്ങനെയൊക്കെ തന്നെയേ പ്രതികരിക്കൂ…..”

 

ഒരു ചിരിയോടെ അദ്ദേഹത്തോടതു പറയുമ്പോ

ഒരു ഭാരമിറക്കി വെച്ച പ്രതീതിയായിരുന്നു അദ്ദേഹത്തോടൊന്നു മനസ്സു തുറന്നു സംസാരിക്കണം എന്നു ഞാൻ ഇന്നലെ തൊട്ടേ ചിന്തിച്ചിരുന്നു……

 

“…. പക്ഷെ ഇതൊന്നുമായിരുന്നില്ല നീ വന്നു പെണ്ണ് ചോദിച്ചപ്പോ എതിർക്കാനുണ്ടായാ കാരണം…. അവളൊരു തവണ റേപ്പ് ചെയ്യപ്പെട്ടതാണ്…..”

 

“…. അതൊക്കെ എനിക്കറിയാവുന്ന കാര്യങ്ങളാ…. അതറിഞ്ഞോണ്ടു തന്നെയാ അവളെ ഞാനിഷ്ട്ടപ്പെട്ടതും….”

 

അദ്ദേഹം പറഞ്ഞുതീർക്കുന്നതിന് മുൻപേ ഞാൻ ഇടയ്ക്കു കേറി പറഞ്ഞു…..

 

“…. പല കാരണങ്ങളുണ്ടായിരുന്നെങ്കിലും മോന്റെ കാര്യത്തിൽ ഞങ്ങളെതിര് പറഞ്ഞത് അതിനല്ല മോനെ….കുഞ്ഞൂന് സംഭവിച്ചതൊക്കെ സൗമ്യക്കറിയാമായിരുന്നു അതുകൊണ്ട്

കുഞ്ഞൂനോട്‌ അവരൊക്കെ എങ്ങനെ പെരുമാറുമെന്ന് ഞങ്ങൾക്ക് പേടിയുണ്ടായിരുന്നു…..”

 

“…. അമ്മക്കെങ്ങനെ???…”

 

“…. അന്നു വൈകുന്നേരം കുഞ്ഞൂനെ ഹോസ്പിറ്റലിൽ കൊണ്ടു പോകുന്ന സമയത്ത് സൗമ്യയും ഉണ്ടായിരുന്നു വീട്ടിൽ…..”

 

“…. അപ്പൊ അമ്മക്കെല്ലാം അറിയാരുന്നോ???…. ”

 

“… ഉം…”

 

എന്നെ ഒരുപാട് ഞെട്ടിച്ചൊരു കാര്യമായിരുന്നു അത്….

ഒന്നും പറയാതെ ഞാനും ചേച്ചിയുമൊല്ലാം അമ്മയിൽ നിന്നും മറച്ചു പിടിച്ചിരുന്നു…

എല്ലാം അറിഞ്ഞിട്ടും അമ്മയവളോട് സ്വന്തം മോളെ പോലെ തന്നെയായിരുന്നു പെരുമാറിയിരുന്നത്….. പലപ്പോഴും ഞാനവളോടു തമാശക്കുണ്ടാക്കുന്ന വഴക്കുകൾക്ക് പോലും അമ്മയെന്നോട് ദേഷ്യപ്പെട്ടത് എന്തുകൊണ്ടാണെന്നെനിക്കിപ്പോ മനസ്സിലാവുന്നു…..