ഭ്രാന്തിക്കുട്ടി 5 [Hope] 670

“… എടി നിനക്കമ്മേടെ കൂടെ പോയി എന്തേലും പണിയെടുത്തൂടെ…. രാവിലേം ഞാൻ ശ്രദ്ധിച്ചാരുന്നു ഒരുപണീമെടുക്കാതെ അടുക്കളേൽ വന്നിരിക്കുന്നത്…..

അല്ല നീയെന്നാ അടുക്കളേ വെച്ചെന്നെ കണ്ണും മിഴിച്ചു നോക്കിക്കൊണ്ടിരുന്നേ….”

“… ഓ ഇപ്പൊ ഞാൻ അടുത്ത് വന്നിരുന്ന ശല്യമായല്ലേ…..

എന്നാ ഞാൻ പോകുവാ….”

ഞാൻ പറഞ്ഞതിഷ്ട്ടപ്പെടാതെ

മുഖവും വീർപ്പിച്ചിറങ്ങി പോകാനിറങ്ങിയ അവളെ ഞാൻ പുറകിൽ നിന്നും കൈയിൽ പിടിച്ചു നിർത്തി എന്റെ അടുത്തിരിത്തി….

“…. എന്റെ പൊന്നോ ഞാൻ ചുമ്മാ നിന്നെയിളക്കാൻ പറഞ്ഞതാ… ഇനിയതിന്റെ പേരും പറഞ്ഞു വെറുതെ ദേഷ്യപ്പെട്ടു നടക്കണ്ട….”

“…. ങ്ങു… ഹും… ഇനിയൊന്നും പറയണ്ട ഞാൻ പോകുവാ ഒരു നല്ല കാര്യം പറയാൻവന്നതാ ഇനിയിപ്പോ

പറയുന്നില്ല എന്നെ വിട് ഞാൻപ്പോയെന്തേലും പണിയെടുക്കട്ടെ…..”

“…. ഹാ പറയാൻ വന്ന കാര്യം പറഞ്ഞിട്ടു പോ കുഞ്ഞോ…”

ഞാനവളെ വയറു വഴി കെട്ടിപ്പിടിച്ചവിടെതന്നെ ഇരുത്തിക്കൊണ്ടു പറഞ്ഞു……

“…. കണ്ണൻ മരിച്ചേ പിന്നെ ആദ്യായിട്ടാ ഈ വീട്ടിലിങ്ങനെ

എല്ലാരും ചിരിച്ചു കളിച്ചൊക്കെ ഇരിക്കുന്നെ…. എല്ലാത്തിനും കാരണം എന്റെയീ പ്രാന്തനല്ലേ….

അതാ അവിടെയിരുന്നപ്പോ ഞാൻ നോക്കി കൊണ്ടിരുന്നേ….”

“…. അതിന് ഞാനെന്ന ചെയ്തെന്നാ നിന്റെ അച്ഛനും അമ്മക്കും ഇപ്പോഴാ ബുദ്ധി വന്നേ അപ്പൊ ചിരിയൊക്കെ താനേ വന്നു തുടങ്ങി….

പിന്നെ അതുകൊണ്ടാരുന്നോ അങ്ങനെ നോക്കിയിരുന്നെ

ഞാനോർത്തു നീ റൊമാന്റിക്കായിട്ടു നോക്കിയാതാന്ന് അതിന്റെ ഇടെലിരുന്നു ഞാനെന്തൊക്കെയോ ആലോചിച്ചു കൂട്ടി…..”