ഭ്രാന്തിക്കുട്ടി 5 [Hope] 670

 

“…. ഇവിടെ ഇതേ ഉള്ളൂ…. എന്റപ്പൻ നിക്കറിടാറില്ല….”

 

“…. എന്നാലും ആരേലും സ്വന്തം അപ്പനെപ്പറ്റി ഇങ്ങനൊക്കെ പറയുവോ… അപ്പൻ നിക്കറിടാറില്ലെന്ന്….”

 

ഞാൻ വാ പൊത്തി ചിരിച്ചോണ്ട് പറഞ്ഞപ്പോഴാണ് അവള് പറഞ്ഞത് ഞാൻ വേറെ അർഥത്തിലാണ് എടുത്തതെന്ന് മനസ്സിലായത്….

 

“… ദേ എന്നെ വെറുതെ കളിയാക്കണ്ട… ചായ വേണേ വാ….”

 

കൈയിലിരുന്ന മുണ്ട് കട്ടിലേക്കെറിഞ്ഞിട്ട് അവള് റൂമിൽ നിന്നിറങ്ങി പോയി

മുണ്ടെടുത്തുടുത്ത് കൂടെ ഞാനും…..

ചായകുടിക്കാൻ ചെന്നിരുന്നപ്പോ അവളുടമ്മ പുട്ടും കടലേമായിട്ട് വന്നു അതും തീറ്റ കഴിഞ്ഞിരുന്നപ്പോഴാണ് അവൾടപ്പൻ വന്നു എന്തോ ഇറച്ചിയും മീനുമൊക്കെ മേടിക്കാൻ കൂടെ ചെല്ലാമൊന്നു ചോദിച്ചത് പിന്നെ പുള്ളി ആദ്യായിട്ടെന്നോടു ചോദിച്ച കാര്യമല്ലേ എന്നോർത്തപ്പോ മറുത്തു പറയാൻ തോന്നിയില്ല…..

പുറത്തിട്ടിരുന്ന വണ്ടിയുംമെടുത്തു കൂടെ ചെന്നു…..

കാറിലിരിക്കുമ്പോ പുള്ളിയെന്നെ അടിക്കടി നോക്കുന്നുണ്ടായിരുന്നു എന്തോ പറയാനുള്ളതു പോലെ….

കുറച്ചു ദൂരം കൂടി കഴിഞ്ഞതും ഒരു വിജനമായ സ്ഥലത്തു ചെന്നപ്പോ പുള്ളി വണ്ടി നിർത്താൻ പറഞ്ഞു…..

 

“… എന്തേലും മറന്നുപോയോ???… ”

 

വണ്ടി റോഡിന്റെ സൈഡിലൊതുക്കി പുള്ളിയോട് ചോദിക്കുമ്പോഴും ആരുമില്ലാത്ത സ്ഥലത്തു വെച്ച്

തല്ലികൊല്ലാനുള്ള പ്ലാനാണോ എന്നുപോലും ഞാൻ ചിന്തിക്കാതിരുന്നില്ല…..

 

“…. അല്ല….എനിക്കു മോനോടു കുറച്ചു കാര്യം പറയാനുണ്ടായിരുന്നു….”

 

അതും പറഞ്ഞു പുള്ളി വണ്ടിക്കു പുറത്തേക്കിറങ്ങിയതും ഞാനും കൂടെ ഇറങ്ങി….

 

“…. മോനെ നിനക്കിപ്പോഴും ഞങ്ങളോടു ദേഷ്യണ്ടോ…..”

 

“…. എനിക്കന്നുമിന്നും നിങ്ങളോട് രണ്ടു പേരോടും ദേഷ്യം തോന്നിയിട്ടില്ല…. ഒട്ടും തോന്നിയിട്ടില്ലേന്നു ചോദിച്ചാ…. ഉണ്ട്…. നിങ്ങടെ അവളോടുണ്ടായിരുന്ന പെരുമാറ്റത്തിലെനിക്കു ദേഷ്യം തോന്നിയിട്ടുണ്ട്…..

അവളന്നു ചാവാൻ നോക്കിയതിന് ശേഷമാണേ പോലും നിങ്ങളവളെ സ്നേഹിക്കാൻ തോന്നിയപ്പോ ആ ദേഷ്യോം പോയി…..