ഭ്രാന്തിക്കുട്ടി 5 [Hope] 670

“… ആ നിങ്ങള് എഴുന്നേറ്റായിരുന്നോ ചായ എടുക്കട്ടെ???….”

 

“…. ഇപ്പൊ വേണ്ടമ്മേ ഞങ്ങള് ഇപ്പൊ തന്നെ പോകും….”

 

“…. അതെന്താ???…. ”

 

ഞാൻ പെട്ടെന്ന് പോകും എന്നു പറഞ്ഞപ്പോ അവളുടെ അമ്മയുടെ മുഖത്തൊരു സങ്കടം നിഴലിച്ചു…..

 

“…. അതമ്മേ ഇന്നലെ പെട്ടെന്നു പോന്ന കാരണം മാറിയുടുക്കാൻ ഡ്രെസ്സൊ

പല്ല് തേക്കാൻ ബ്രഷോ അങ്ങനെയൊന്നുമെടുത്തില്ല…”

 

“… ആ അതാരുന്നോ….നിങ്ങൾക്കു രണ്ടാൾക്കും മാറിയുടുക്കാനുള്ളതൊക്കെ ഇവിടെയുണ്ട് പിന്നെ പുതിയ ബ്രഷും പേസ്റ്റുമൊക്കെ ആ നീല ബക്കറ്റിൽ കിടപ്പുണ്ട് കുഞ്ഞാ ആ ബ്രഷ് എടുത്തു മോനു കൊടുക്ക്…. ഇനിയിപ്പോ കുറച്ചു ദിവസം നിന്നിട്ടു പോയാ പോരെ….”

 

അപേക്ഷ പോലുള്ള അവരുടെ വാക്കുകൾ കൂടി കേട്ടപ്പോ പിന്നെ പോകുന്നുന്ന് പറയാൻ തോന്നിയില്ല അവളെടുത്തു തന്ന ബ്രഷുമായി പല്ലു തേക്കാൻ മുറ്റത്തെ ചാമ്പക്ക മരത്തിനു ചുവട്ടിലേക്കിറങ്ങി

കുറച്ചു നേരം അതിലെ ചുറ്റി നടന്നു പുറത്തെ വയലിനരികിലേക്ക് പതിയെ നടന്നു സൈഡിലൂടെ ഒഴുകുന്ന ചാലിന്റെ മുകളിലെ പാലത്തിലേക്കു കയറിയിരുന്നു…..

രാവിലെയായതു കൊണ്ട്

അത്യാവശ്യം നല്ല തണുപ്പായിരുന്നു വയലിനു മുകളിൽ ചെറിയ പുക പോലെ മഞ്ഞു തെളിഞ്ഞു നിക്കുന്നത് കാണാൻ നല്ല രസം

ടെറസിലേക്കൊക്കെ നോക്കി കുറച്ചുനേരം അവിടെയിരുന്നു

പിന്നെ അവള് വിളിച്ചപ്പോ അകത്തേക്കു അകത്തേക്കു ചെന്നു…..

മുഖമൊക്കെ കഴുകി അകത്തേക്കു ചെന്നപ്പോ അവള് കുളിച്ചൊരുങ്ങി നിൽപ്പുണ്ടായിരുന്നു പക്ഷെ ഇതുവരെ ഇട്ടു കാണാത്തൊരു തരം വേഷത്തിലാരുന്നു

അവൾടെമ്മേടെ നെറ്റിയിൽ….

 

“…. നിന്നെ ഇപ്പൊ കാണാൻ അമ്മച്ചിമാരെ പോലെയുണ്ട്….”

 

അവളെയൊന്നു വെറുതെ കളിയാക്കി കുളിച്ചിറങ്ങി വന്നപ്പോ എനിക്കിടാനുള്ള ഷർട്ടും മുണ്ടുമൊക്കെ അവളെടുത്തു വെച്ചിരുന്നു ഒരു പച്ച ഷർട്ടും വെള്ളമുണ്ടും…..

 

“…. കോപ്പ് മുണ്ടും ഉടുത്തോണ്ട് നടക്കണോ….”