ഭ്രാന്തിക്കുട്ടി 5 [Hope] 670

“…. വോ ഇനി പറഞ്ഞു പറഞ്ഞു പഴയതിലേക്കു പോവണ്ട…..

നല്ല ക്ഷീണമില്ലേ വാ വന്നു കിടന്നുറങ്ങ്…..”

കട്ടിലിൽ കിടന്ന് എന്റെ ഒരു കൈ അവളുടെ തലങ്ങണക്കു മുകളിൽ വെച്ചിട്ട് ഞാൻ വിളിച്ചതും അവള് എന്റെ ദേഹത്തേക്ക് ചാടി കിടന്നു പിന്നെ എന്റെ നെഞ്ചിലേക്ക് തല ചേർത്തു….. അവളുറങ്ങുന്നത് വരെ ഇങ്ങനെയാണ് കിടപ്പ് ചിലപ്പോഴൊക്കെ തന്നെ തലങ്ങണയിലേക്ക് തല കൊണ്ടുപോയി വെക്കും ഇല്ലെങ്കി ഞാൻ തന്നെ കൊണ്ടുപോയി വെക്കണം…..

കുറച്ചു നേരം അവളെ കൊട്ടിയുറക്കി ഞാൻ പതിയെ ഉറക്കത്തിലേക്കു വീണു…..

രാവിലെ അവളെന്നെ കുലുക്കി വിളിച്ചപ്പോഴാണ് ഞാൻ എഴുന്നേക്കുന്നത്

കണ്ണു തുറന്നു നോക്കിയപ്പോ കാണുന്നതാണേ

ഭയങ്കര ടെൻഷനുള്ള പോലെ ഇന്നലെ അവളുടുത്തിരുന്ന അതെ സെറ്റു സാരിയുടെ തുമ്പും കൈയിൽ പിടിച്ചു നിക്കുന്നതും

“… എന്നാടി എന്നാ പറ്റി…. രാവിലെ തന്നെ അച്ഛനുമമ്മേം കൂടി തല്ലിയിറക്കിയോ…..”

രാവിലെ തന്നെ ടെൻഷനടിച്ചു നിക്കുന്ന കണ്ടപ്പോ എനിക്കൊരു പേടി ഇനിയാവരുടെ സ്വഭാവമെങ്ങാനും മാറിക്കാണുവൊന്ന്….

“….. അതല്ല… അമ്മടെ മുന്നേ ചെന്നു നിക്കാനൊരു മടി ഏട്ടൻങ്കൂടി വാ….”

ഒരു വശത്തേക്ക് ചരിഞ്ഞു കിടന്ന എന്റെ കൈയീ പിടിച്ചു കുലിക്കി പറഞ്ഞപ്പോ പിന്നെ കിടക്കൻ തോന്നിയില്ല ഇനിയിപ്പോ കിടന്നാലും എന്നെ കുത്തി പോകാതെ അവള് പോകാത്തുമില്ല…..

ഉറക്കത്തിലെപ്പോഴോ ഊരിപ്പോയ മുണ്ടും മെടുത്തുടുത്ത് മുഖവും കഴുകി അവളുടെ കൂടെ ഇറങ്ങി….

ഹാളിലേക്ക് ചെല്ലുമ്പോ അവൾടപ്പൻ ഇരുന്ന് ചായ കുടിക്കുന്നുണ്ട്…

ഞങ്ങളെ കണ്ടതും പുള്ളി ഒരു ഗുഡ് മോർണിംഗ് വിഷ് ചെയ്തു തിരിച്ചൊരു വിഷും കൊടുത്ത് ഞാനവളെയും തള്ളി ക്കൊണ്ട് അടുക്കളയിലേക്ക് ചെന്നു…..