ഭ്രാന്തിക്കുട്ടി 5 [Hope] 670

ചോറ് വിളമ്പി മുന്നിൽ വെച്ചിട്ടെന്നെ തലോടിക്കൊണ്ടുള്ള അമ്മയുടെയാ

ചോദ്യത്തിനുത്തരമായി എല്ലാം തുറന്നു പറയണമെന്നുണ്ടായിരുന്നുവെങ്കിലും സത്യം കേട്ടു കഴിഞ്ഞാ എന്നെങ്കിലും ഒരിക്കൽ അവളെ ഈ വീട്ടിലേക്കു കൊണ്ടു വരുമ്പോ ചിലപ്പോ അമ്മക്കവളെ ഉൾക്കൊള്ളാൻ കഴിഞ്ഞെന്നു വരില്ല

ആദ്യം കേട്ടപ്പോ എനിക്കു പോലുമത് ഉൾക്കൊള്ളാൻ സാധിച്ചിരുന്നില്ലല്ലോ…അപ്പൊ അമ്മേടെ കാര്യം പറയണ്ട….

അതുകൊണ്ട് ഞാൻ എന്റെയുള്ളിലുണ്ടായിരുന്നതൊക്കെ മറച്ചു വെച്ചു…..

 

“…. അവൾക്കു നല്ല വിഷമം ഉണ്ടായിരുന്നമ്മേ വീട്ടില് ഭയങ്കര പ്രശ്നങ്ങളൊക്കെയാ

അതുകൊണ്ടാ….

പിന്നെ എനിക്കവളെ ഭയങ്കരിഷ്ടമായിരുന്നു കടേൽ വെച്ചാരോ പറഞ്ഞത് അവള് മരിച്ചെന്നാ അത് കേട്ടപ്പോ ഞാനങ്ങു പേടിച്ചു പോയി അതാ അങ്ങനെയൊക്കെ പെരുമാറിയെ…..”

 

ഒരു ചെറിയ ചമ്മലോടെ ഞാനതു പറയുമ്പോ അമ്മയുടെയും ചേച്ചിയുടെയും മുഖത്തൊരു ചിരി വിടർന്നിരുന്നു…..

 

“…. എനിക്കറിയായിരുന്നു അമ്മേ ഇതാവസാനം ഇങ്ങനെയൊക്കെ തന്നെ വരൂന്ന്….

എന്തൊക്കെയായിരുന്നു വഴക്കിടുന്നു കരയിക്കുന്നു സോറി പറയുന്നു ഹോ….”

 

“…. പോടീ… എന്റെ കൊച്ച് നല്ലവനാ… അവനെ വെറുതെ കളിയാക്കണ്ട….

എന്തായാലുമെന്റെ മോൻ കണ്ടുപിടിച്ചത് നല്ലൊരു കൊച്ചിനെയല്ലേ…..

വർത്താനം പറഞ്ഞിരുന്നപ്പോ ഒരു കാര്യം മറന്നു ഞാൻ പോയി കടല വെള്ളത്തിലിട്ടിട്ടു വരാം മോൻ കഴിക്ക്…….”

 

അമ്മ എഴുന്നേറ്റു പോയതും ചേച്ചി എന്റെയടുത്തു വന്നിരുന്നു…..

 

“…. റോഹനെല്ലാമെന്നോടു പറഞ്ഞാരുന്നു…. പാവം എന്തോരം അനുഭവിച്ചല്ലേ….

സാരമില്ല നീ നിന്റെ കൂടെ കൂട്ടി നന്നായിട്ടു നോക്കിയാ മതി….പിന്നെ അമ്മയോട് ഇപ്പൊ ഒന്നും പറയണ്ട അങ്ങനെ ഒരു സിറ്റുവേഷൻ വരുവണേ മാത്രം പറഞ്ഞാ മതി….”

 

അമ്മ എഴുന്നേറ്റു പോയാ ആ സ്ഥലത്തേക്ക് നീങ്ങിയിരുന്നു ചേച്ചിയെന്നെ തലോടിക്കൊണ്ടതു പറഞ്ഞപ്പോ

എനിക്കു വല്ലാത്തൊരു സന്തോഷമായിരുന്നു

കാരണം ചേച്ചിയും ഇതറിയുമ്പോ എങ്ങനെ പെരുമാറും എന്ന് ഞാൻ ഭയപ്പെട്ടിരുന്നു…..

 

________________________________