നീഹാരം 2 [കാളിദാസൻ] 250

അത് കേട്ടതും പുള്ളിയൊന്നെന്നെ സംശയത്തോടെ നോക്കി . എനിക്ക് പറയാനുള്ളത് കേൾക്കാനുള്ള പാതി മനസ്സ് വന്നത് പോലെ .
ആ തക്കത്തിന് ഞാൻ ഇന്നലെ നടന്ന കാര്യങ്ങൾ മുഴുവനും വള്ളി പുള്ളിവിടാതെ പുള്ളിയെ പറഞ്ഞു മനസ്സിലാക്കി .

ഇനി പറ ..അമ്മയോട് പറയാൻ പറ്റോ.. ഞാൻ ഇന്നലെ പാതിരാക്കൊരുത്തന്റെ വീട്ടിൽ കേറി തലതല്ലിപൊളിച്ചുന്ന് ..
അമ്മയോട് പെട്ടെന്നൊരു ബിസിനസ്സ് ആവശ്യം വന്നപ്പോൾ പോവേണ്ടി വന്നതാണെന്നാണ് പറഞ്ഞത് . അമ്മയാണേൽ അതൊട്ടും വിശോസിച്ചിട്ടുമില്ല . ഞാൻ മനപ്പൂർവ്വം മുങ്ങിയതാണെന്നാ അമ്മയിപ്പോഴും കരുതിയേക്കുന്നേ ..

ഇത്രയും കേട്ടതും താടിയും ചൊറിഞ്ഞോണ്ട് എന്തോ ആലോചനയിലായിരുന്നു പുള്ളി .

അല്ലടാ …ഇനിയിപ്പോ അവൻ കേസ്സാക്കോ … വീട്ടിൽ കേറി തല്ലിയെന്നൊക്കെ പറഞ്ഞാൽ വകുപ്പ് വേറെയാണ് . പുള്ളിക്കാരൻ ഉള്ളിലെ ആശങ്ക മറച്ചു വെക്കാതെ പറഞ്ഞു .

അതോർത്തു ശിവേട്ടൻ ടെൻഷൻ അടിക്കണ്ട . അവൻ കേസിനൊന്നും പോവൂല ..
ഇന്നലെ നല്ല ഇരുപ്പത് ഒരണ്ണം കൊടുത്തിട്ടാ പോന്നത് . അതിന്റെ വേദന മാറുന്നത് വരെ അവന് നല്ല പേടിയുണ്ടാവും . ഇന്നലെ തന്നെ അവൻ നല്ലോണം പേടിച്ചിട്ടുണ്ട് .

അതിനും വേണ്ടും തല്ലിയോ നീയവനെ?

പുള്ളിയൊരു അതിശയ ഭാവത്തോടെ ചോദിച്ചു .

ഇടിച്ചവന്റെ അണ്ണാക്ക് അകത്ത് കേറ്റിയിട്ടുണ്ട് .

ഞാൻ കോളറിന്റെയൊരു സൈഡ് പൊക്കിയൊരു മാസ്സ് ലുക്കിൽ പറയാനൊക്കെ ശ്രെമിച്ചെങ്കിലും കൈ ഉടക്കിയത് കഴുത്തിൽ കിടന്ന മാലയിലായിരുന്നു .

പിടിച്ച സാധനം മാറിപ്പോയി ശശിയെ.. എന്ന് തലച്ചോറീന്ന് തപാലുകുറി വന്നേക്കാൾ മുൻപേ മാലപ്പൊട്ടി കൈയിലിരുന്നിന്രുന്നു.

ഞാൻ അണ്ടിപോയ അണ്ണാനെപോലെ ശിവേട്ടനെ ഒന്ന് ദയനീമായൊന്നു നോക്കി.

പുള്ളിയാണേൽ നീ എന്തിന്റെ കുഞ്ഞാടാ… എന്നുള്ള ഭാവമായിരുന്നു.

ഞാൻ ആ ചമ്മൽ മറയ്ക്കാൻ എന്ന വണ്ണം വേഗം വിഷയം മാറ്റി.

ശിവേട്ടാ.. ടോറസ് ഇറക്കണ്ടേ..

ഒരു ഓട്ടം വന്നിട്ടുണ്ട്. അൽപ്പം ചില്ല തടയണ കേസ്സാ..
ആ എസ് ഐ ക്ക് ഇത്തിരി കൈ മടക്ക് കൊടുത്തിട്ടാണെലും വേണ്ടില്ല. അതെങ്ങനെയെങ്കിലും ഇറക്കണം നമുക്ക്.

ഒന്നില്ലേലും പുറത്ത്‌ ഓട്ടത്തിന് കൊടുത്താൽ സിസി അടഞ്ഞെങ്കിലും പൊക്കോളും.