നിഴലായ് അരികെ -6 [ചെമ്പരത്തി] 348

“മ്മ്….. ഞാനും അത് പറയാൻ ഇരിക്കുകയായിരുന്നു അച്ഛാ…. “നന്ദൻ പറഞ്ഞു.

 

ആര്യ പതിയെ എണീറ്റു മുകളിലേക്കു നടന്നു…

“നീയെങ്ങോട്ടാ മോളെ???? “വസുന്ധരാമ്മ ആണ്

 

“റൂമിലേക്ക് അമ്മേ…. എന്റെ ഫോൺ അവിടാണ്…. അതെടുത്തിട്ടു വരാം.. ”

 

“ഇനി അമ്മ പറയുന്നത് അനുസരിക്കാം ഞാൻ….. കല്ല്യാണത്തിന്റെ കാര്യം നോക്കാം”

നന്ദൻ എല്ലാവരോടും ആയിട്ട് പറഞ്ഞു.

എല്ലാവരുടെയും മുഖത്തു ഒരു പുഞ്ചിരി തെളിഞ്ഞു…

“അച്ഛാ…… എനിക്കൊരു കുട്ടിയെ ഇഷ്ടം ആണ്…. എന്റെ സ്റ്റുഡന്റ് ആണ്… പേര് പ്രിയ….അവൾക്കെന്നെയും ഇഷ്ടമാണ്…. അവളുടെ അച്ഛന്റെ നമ്പർ ഞാൻ തരാം നിങ്ങൾ വിളിച്ചൊന്നു സംസാരിച്ചിട്ട് പോയി കാണണം…”

എല്ലാവരുടെയും മുഖത്തെ പുഞ്ചിരി എങ്ങോ പോയ്‌ മറഞ്ഞു…

ഫിലിപ്പിന്റെ വിരലുകൾ  പ്രകാശിന്റെ കൈത്തണ്ടയിൽ മുറുകി..

വസുന്ധരാമ്മ നിറഞ്ഞു വന്ന കണ്ണുകൾ ആരും കാണാതിരിക്കാൻ മുഖം തിരിച്ചു…

 

“മോനെ……… നന്ദാ…… അപ്പോൾ ആര്യ……” പ്രകാശിന്റെ സ്വരം ഇടറിയിരുന്നു

“ആഹ്……. അത് പറയാൻ മറന്നു…… അവൾക്കു പറ്റിയൊരാൾ ഉണ്ട്…..അച്ചായൻ ആണ്…എന്റെ കാഴ്ച്ചപ്പാടിൽ, സ്വഭാവം കുഴപ്പമില്ല…നല്ല തറവാട്ടുകാർ….ആവശ്യത്തിലധികം സമ്പത്തും ഉണ്ട്… ജോലി കോളേജ് അധ്യാപകൻ ആണ്. അവളെ ഇഷ്ടമാണ് എന്ന കാര്യം അവളോട് പറഞ്ഞിട്ടില്ല…..അമ്മൂന് അറിയാവുന്ന ആൾ ആണ് അവൾക്കു ഇഷ്ടമാകും… ഞാൻ പറയാം അവളോട്  ”

അപ്പോഴേക്കും നന്ദന്റെ ഫോൺ ശബ്‌ദിച്ചു…..നോക്കുമ്പോൾ ബോബി ആണ്… അവൻ അതെടുത്തു കാതോട് ചേർത്തു..

 

പെട്ടന്ന് മുകളിൽ നിന്നും  ചില്ല് പൊട്ടിച്ചിതറിയ ശബ്ദവും അമർത്തിയ ഒരു നിലവിളിയും എല്ലാവരുടെയും ചെവിയിലേക്ക് തുളച്ചു കയറി…..

ഫോൺ അവിടിട്ടു നന്ദൻ സ്റ്റെപ് ഓടിക്കയറി…..പുറകെ മറ്റുള്ളവരും

റൂമിലേക്ക്‌ ഓടിക്കയറിയ നന്ദനെ വരവേറ്റത് ചിതറിത്തെറിച്ച ചോരപ്പൂക്കൾ ആയിരുന്നു…….

 

 

(തുടരും……….. )