നിഴലായ് അരികെ -6 [ചെമ്പരത്തി] 348

 

“വേണ്ട….. എനിക്ക് വീട്ടിൽ പോണം “അവൾ കുഴഞ്ഞ ശബ്ദത്തിൽ പറഞ്ഞുകൊണ്ട് നന്ദന്റെ കൈ തട്ടി മാറ്റാൻ ശ്രമിച്ചു……

 

“അമ്മൂ……………”നന്ദന്റെ ശബ്ദം ഉയരാൻ തുടങ്ങി.

 

“നന്ദൂട്ടീ………. മോൾ അവിടെ കിടന്നേ….നല്ലപോലെ പനിക്കുന്നുണ്ടല്ലോ……  അവൻ കോട്ടൺ നനച്ചിടും….” റൂമിലേക്ക്‌ കയറി വന്ന അച്ഛൻ ആര്യയുടെ നെറ്റിയിൽ കൈവച്ചു നോക്കിയിട്ട്  പറഞ്ഞു..

അതോടെ ആര്യ വീണ്ടും അവിടെത്തന്നെ കിടന്നു…

നന്ദൻ വേഗം ഐസ് വെള്ളത്തിൽ കോട്ടൺ നനച്ചു ആര്യയുടെ നെറ്റിയിൽ ഇട്ടു…. അപ്പോഴേക്കും വസുന്ധരാമ്മ പതിയെ മുകളിൽ എത്തി.

“നന്ദൂട്ടി……. എന്താ മോൾക്ക് പറ്റിയെ പെട്ടന്ന് ? ”

ആര്യ പതിയെ കണ്ണുകൾ വലിച്ചു തുറന്നു

“അമ്മേ…. അത്…….. ”

“വേണ്ട….മോൾ ഉറങ്ങിക്കോ…… അമ്മ,  മമ്മീനോട്‌ വിളിച്ചു പറയാം മോൾ  വരില്ലെന്ന്….. ”

 

ആര്യ  ഒന്നും മിണ്ടാതെ കണ്ണടച്ച് കിടന്നു..നന്ദൻ അവളുടെ നെറ്റിയിലിട്ട കോട്ടൺ ഉണങ്ങുന്നതിനനുസരിച്ചു നനച്ചിട്ടുകൊണ്ടിരുന്നു.

*****

രാവിലെ ആര്യ എണീറ്റപ്പോൾ കണ്ടത്, ബെഡിനോട് ചേർത്ത് ഇട്ട കസേരയിൽ ഇരുന്നു ബെഡിൽ തല വച്ചു ഉറങ്ങുന്ന നന്ദനെ ആണ്.. അവൾ പതിയെ ഒരു പുഞ്ചിരിയോടെ അവന്റെ തലയിൽ ഒന്ന് തലോടി…..എണീറ്റിരുന്നിട്ട്  പതിയെ തട്ടി വിളിച്ചു

“നന്ദാ…… എണീക്കണില്ലേ……6മണി ആയി  ”

നന്ദൻ ഞെട്ടി കണ്ണ് തുറന്നു

“എന്താമ്മൂ…???? എന്താ പറ്റിയെ?? എന്തെങ്കിലും വേണോ?? ”

“എനിക്കൊന്നും വേണ്ട…… 6മണി ആയെന്നു പറഞ്ഞതാ ”

“അതിനിപ്പോ എന്താ ഇന്ന് ശനി അല്ലെ ക്ലാസ്സ്‌ ഇല്ലല്ലോ… നീ അവിടെ കിടന്നുറങ് അമ്മൂ “നന്ദൻ പതിയെ എണീക്കാൻ നോക്കി…

“ആഹ്…… ”

 

“എന്താടാ..? ന്തു പറ്റി? “