നിഴലായ് അരികെ -6 [ചെമ്പരത്തി] 348

“ടീ……… “വിളിച്ചു കൊണ്ട് നന്ദൻ പതിയെ അവളുടെ കയ്യിൽ പിടിച്ചു… പൊള്ളലേറ്റപോലെ അവൻ ഞെട്ടി കൈ വലിച്ചു.

ഒന്നുകൂടി അവൻ ആര്യയുടെ നെറ്റിയിൽ  പതിയെ തൊട്ടു….. ചുട്ടുപൊള്ളി, വിറച്ചു തുള്ളുന്ന  പനിയായിരുന്നു………..

“അമ്മേ………….. ”

നന്ദൻ നീട്ടി വിളിച്ചു…….

“അമ്മൂട്ടീ……… “നന്ദൻ പതിയെ വിളിച്ചു കൊണ്ട് അവളെ നേരെ കിടത്തി

“അമ്മേ……….. “അമ്മയെ കാണാഞ്ഞിട്ട് നന്ദൻ വീണ്ടും വിളിച്ചു.

 

“എന്താ നന്ദൂട്ടാ നിനക്ക് ?????……. എനിക്ക് കാലിനു വേദന ആണ് സ്റ്റെപ് കയറാൻ പറ്റില്ലാന്ന്  നിനക്കറിഞ്ഞൂടെ???? അതെങ്ങനെയാ അമ്മയുടെ കാലം കഴിയും വരെ മക്കൾക്ക്‌ അമ്മ പറയുന്നതിനോട് ഒരു വിലയും ഇല്ലല്ലോ……..”     ഒന്നൂല്ലട്ടോ…… നന്ദന്റെ കല്യാണക്കാര്യം ആണ് പാവം അമ്മ ഉദ്ദേശിച്ചത്..

 

നന്ദൻ റൂമിനു പുറത്തേക്കിറങ്ങി.

“അമ്മേ….അമ്മ പറയുന്നത് കേൾക്കാൻ ഞാൻ ഇരുന്നു തരാം…. പിന്നെ…. ഇപ്പോൾ കുറച്ചു ഐസ്ക്യൂബ് വേണം. അമ്മൂസിനു പനിയാണ്… ”

 

“ങ്‌ഹേ……. എന്താപ്പോ പെട്ടന്ന്??? മുകളിലേക്കു പോയപ്പോൾ പനിയുള്ളതായിട്ട്  തോന്നിയില്ലല്ലോ???? ” അച്ഛൻ ആണ്…

 

നന്ദൻ വേഗം ഓടി താഴെ ഇറങ്ങി.

“ഞാൻ എടുത്തോളാം ഐസ്‌ക്യൂബ്… എനിക്കു കുറച്ചു കോട്ടൺ എടുത്തു തായോ…. ”

വസുന്ധരാമ്മ വേഗം കോട്ടൺ എടുത്തു നന്ദന് കൊടുത്തു… അച്ഛൻ ആ സമയം കൊണ്ട് സ്റ്റെപ് കയറി  മുകളിലേക്കു നടന്നിരുന്നു.

നന്ദൻ വേഗം കോട്ടണും, ഒരു ബൗളിൽ ഐസ് ക്യൂബ്സും എടുത്തു മുകളിലേക്കോടി.

നന്ദൻ ചെല്ലുമ്പോൾ കണ്ടത് എഴുന്നേറ്റിരിക്കാൻ ശ്രമിക്കുന്ന ആര്യയെ ആണ്.. നന്ദൻ വേഗം ബൗളും കോട്ടണും ടേബിളിൽ വച്ചിട്ട് അവളെ താങ്ങി….

“അമ്മൂസെ നീ അവിടെ കിടക്ക്…….. ഞാൻ കോട്ടൺ നനച്ചിടട്ടെ….. “