നിഴലായ് അരികെ -6 [ചെമ്പരത്തി] 350

 

“ഒന്നുമില്ലെടീ……. രാത്രി മുഴുവൻ ഇങ്ങനെ ഇരുന്നതല്ലേ പുറംവേദന….. ”

 

“നീ കുറച്ചു നേരം നിവർന്നു കിടക്ക് നന്ദാ……ഞാൻ താഴേക്കു പോകുവാ…… ”

 

“നീ അവിടെ കിടക്ക് അമ്മൂ…. ഇപ്പോ ഇറങ്ങി ഓടേണ്ട…….ഞാൻ സോഫയിൽ കിടന്നോളാം ”

 

“നന്ദാ……. ”

 

“നിന്നോട്  പറഞ്ഞത് കേൾക്കാൻ പറ്റില്ലേ അമ്മൂ??? ”

നന്ദന്റെ സ്വരം ഉയർന്നതും അവനെ ഒന്ന് കൂർപ്പിച്ചു നോക്കിയിട്ട് അവിടെത്തന്നെ കിടന്നു.നന്ദൻ പതിയെ എണീറ്റു സോഫയിൽ പോയി കിടന്നു.

“മക്കൾ എണീറ്റെ 9 മണിആയീട്ടോ… ”

ആര്യ കണ്ണ് തുറന്നു നോക്കുമ്പോൾ മമ്മി ആണ് പുറകിൽ പപ്പയും….

“എന്താണ് നന്ദൂട്ടിക്ക്  ഒരു കള്ളപ്പനി ഓക്കെ… മ്മ്മ്??”

ഒരു കുസൃതിചിരിയോടെ പപ്പാ ചോദിച്ചു.

 

“ഒന്ന് പോയെ പപ്പാ…. കള്ളപ്പനി ഒന്നും അല്ല ”

അവൾ കുറുമ്പൊടെ  പപ്പയെ നോക്കി.

“നന്ദൂട്ടാ….. “നന്ദനെ വിളിക്കാൻ പോയ  മമ്മിയെ അവൾ തടഞ്ഞു.

“വേണ്ട മമ്മി…… ഉറങ്ങിക്കോട്ടെ…. രാത്രി മുഴുവൻ ഒരേ ഇരുപ്പായിരുന്നു… ”

“ഓ….. ആയ്ക്കോട്ടെ….. “എന്നും പറഞ്ഞു അവർ ഫിലിപ്പിനെ, ആര്യ കാണാതെ ഒന്ന് നോക്കി.

“എനിക്കൊന്നു കുളിച്ചു ഫ്രഷ് ആകണം… ഡ്രസ്സ്‌ മൊത്തം മുഷിഞ്ഞു…..ഞാൻ വീട്ടിൽ പോകുവാ…..മമ്മി വരുന്നുണ്ടോ?? “ചോദിച്ചു കൊണ്ട് അവൾ അവരെയും കൂട്ടി താഴേക്കു നടന്നു…

“ഞാൻ ഇല്ല നീ ഫ്രഷ് ആയിട്ട് ഇങ്ങോട്ട് പോരെ അവിടൊന്നും വച്ചിട്ടില്ല…. നിനക്ക് പനിയാണെന്നു പറഞ്ഞത് കൊണ്ട് ഞങ്ങൾ രാവിലെ ഇങ്ങോട്ട് പോന്നു ”

 

“വീട്ടിൽ കഞ്ഞി വക്കാതിരിക്കാൻ എന്തെങ്കിലും വഴി ഉണ്ടോന്നു തപ്പി നടക്കുവായിരുന്നല്ലേ……. ഹോ !!!!! പപ്പാ ബിസിനസ്കാരൻ ആയതിന്റെ ഗുണം!!!…..”രണ്ടു പേരെയും നോക്കി ഒന്ന് മുഖം കോട്ടിയിട്ടു അവൾ പുറത്തേക്കു നടന്നു.