നിഴലായ് അരികെ 6

Author : ചെമ്പരത്തി

[ Previous Part ]

രണ്ട് കണ്ണുകളിൽ നിന്നും പളുങ്ക് മണികൾ വീണുടയാൻ തുടങ്ങിയത് അവർ അറിഞ്ഞിരുന്നില്ല……………

” ന്നാൽ ശരി പ്രിയാ …… ഞാൻ പോയിട്ട് ആര്യയെ ഒന്ന് കാണട്ടെ…….അല്ലെങ്കിൽ തന്നെ ഇന്നത്തെ പിണങ്ങലിനു ഉള്ള വകുപ്പ് ആയിട്ടുണ്ട്…….. പിന്നെ തല്ക്കാലം ഇതാരോടും പറയണ്ട…. ഓക്കേ???? “നന്ദൻ അവളോട് പറഞ്ഞു

“ശരി സർ……….” അവൾ മുഖം കുനിച്ചു പതിയെ പറഞ്ഞു….. എന്നാൽ അവളുടെ മുഖം ഇരുണ്ടുമൂടിയത് നന്ദൻ കണ്ടില്ല…… അവൻ തിരിഞ്ഞു പുറത്തേക്കു നടന്നു.

നന്ദൻ പുറത്തേക്കു കടക്കാൻ വേണ്ടി ഇടത്തേക്ക് തിരിഞ്ഞതും ബുക്ക്ഷെൽഫുകൾക്കിടയിലൂടെ  പുറത്തേക്കോടിയിറങ്ങി വന്ന ഒരു പെൺകുട്ടി നന്ദന്റെ ഷോള്ഡറില് വന്നിടിച്ചു, മറിഞ്ഞു വീണു.

ഇടിയുടെ ശക്തിയിൽ നന്ദൻ വലത്തേക്ക് ചരിഞ്ഞെങ്കിലും വലതു വശത്തെ ബുക്ക്‌ഷെൽഫിൽ കൈകുത്തി നിന്നു……

ദേഷ്യം കയറിയ നന്ദൻ അവളെ വലിച്ചെണീപ്പിച്ചു……..

അവളുടെ  സമൃദ്ധമായ മുടി അഴിഞ്ഞുലഞ്ഞു മുഖം മറഞ്ഞിരുന്നു……

” എവിടെ നോക്കിയാ കൊച്ചേ നടക്കുന്നെ….????? അതെങ്ങനെയാ ഇത് മൊത്തം കൂടി മുഖത്തെക്കിട്ടാൽ പിന്നെങ്ങനെ നടക്കുമ്പോൾ  മുന്നിലുള്ളത് കാണും ”

“നന്ദേട്ടാ………….. “അവൾ മുഖത്തേക്ക് വീണ മുടി മാടിയൊതുക്കിക്കൊണ്ട് വിളിച്ചു.

അവളുടെ മുഖത്തേക്ക് നോക്കിയ

നന്ദന്റെ കണ്ണുകൾ, നിറഞ്ഞു തുളുമ്പി നിന്ന രണ്ടു നയനകളിൽ  ഉടക്കി……

“അനുക്കുട്ടീ…….. നീയെന്താ ഇപ്പോൾ ഇവിടെ????? നിനക്ക് ഈ അവർ ക്ലാസ്സ്‌ ഇല്ലേ??? നീയെന്തിനാ കരയുന്നെ??? എന്ത് പറ്റി നിനക്ക്???……… ”

ഇത് അനുമോൾ റോയ്….. ഒരു കുസൃതികുറുമ്പി…… ആര്യയുടെ വീടിനു രണ്ടു വീട് പുറകിൽ ആണ് താമസം.ആര്യയ്ക്ക് വല്യ കാര്യമാണ് അവളെ……അതേപോലെ നന്ദനും…. അനുമോളുടെ  പപ്പാ റോയ് തോമസ്, അറിയപ്പെടുന്നൊരു വക്കീൽ ആണ്….. മമ്മ ഒരു പാവം വീട്ടമ്മ..