നിയോഗം Part V( മാലാഖയുടെ കാമുകൻ) 1193

എന്റെ വാക്കുകൾ ഉറച്ചതായിരുന്നു..

മെറിൻ ഒരു ചിരിയോടെ എണീറ്റു…

“താങ്ക്സ്.. എനിക്കൊരു മോട്ടിവേഷന്റെ കുറവ് ഉണ്ടായിരുന്നു..

സാധാരണ ആരോടും പതറാത്ത ഞാൻ ഇവിടെ പതറിയതിനു കുറെ കാരണങ്ങൾ ഉണ്ട്.. ലെറ്റസ്‌ ഫൈൻഡ് ഔട്ട്… മീനു.. എന്റെ ഒപ്പം വാ…”

“എന്താ മാം?”

“നീ എന്റെ ഒപ്പം നിന്നോ.. ഇങ്ങോട്ട് ഒന്നും പറയണ്ട. റോഷൻ ഇവിടെ നിന്നോളും.. വേഗം ഇടാനുള്ള ഡ്രസ്സ് എടുത്തു വാ..”

“പിന്നെ.. ഇത് നിനക്ക്.. ലോഡ് ആണ്.
ചെറുപ്പക്കാരൻ ആയ നിനക്ക് എന്തായാലും ഇതെങ്ങനെ ഉപയോഗിക്കണം എന്ന് അറിയും..”

മെറിൻ എന്റെ കയ്യിൽ ഒരു പിസ്റ്റൾ വച്ചു തന്നു..

“യൂസ്‌ ഇറ്റ് ഇഫ് യു വാണ്ട്….”

അതും പറഞ്ഞു മെറിൻ പുറത്തേക്ക് പോയി..

മീനു എന്നെ നോക്കി.. അവൾക്ക് പോകാൻ മനസ് ഉണ്ടായിരുന്നില്ല..

“ചെല്ല്.. അവർ പറഞ്ഞത് കേൾക്കണം.. നമുക്ക് വേണ്ടി അല്ലെ രാജൻ സാർ മരിച്ചത്? “

മീനു ആകെത്തേക്ക് നടന്നു.. അവൾ ഒരു കൊച്ചു ബാഗിൽ അവളുടെ ഡ്രസ്സ് എടുത്തു വച്ചു.. ഞാൻ അവളെ ഒന്ന് നോക്കി… പിസ്റ്റൾ മേശയിൽ വെച്ചു.

ഞാൻ അവളുടെ നിറുകയിൽ ഒന്ന് ചുംബിച്ചു..

“ഒപ്പം ഉണ്ടാകും…”

ഞാൻ അവളോട് പറഞ്ഞു.. അവൾ എന്നെ ഒരു നോട്ടം നോക്കി ബാഗ് എടുത്തു പുറത്തേക്ക് പോയി..

പുറത്തു ജീപ്പ് സ്റ്റാർട്ട് ആകുന്ന ശബ്ദം കെട്ടു… എന്തോ ഒരു സങ്കടം.. അവൾ ആപത്തിലേക്കാണോ പോകുന്നത് എന്നൊരു തോന്നൽ…

****

വൈകുന്നേരം ഏകദേശം 8 മണി ആയിട്ടുണ്ടാകും..

ഞാൻ അവളുടെ സ്കൂട്ടി ലോക്ക് ചെയ്തു വച്ച് കതക് അടച്ച ശേഷം അകത്തു കയറി.

അടുക്കള കതക് അടച്ച ശേഷം ഞാൻ കുറച്ചു വെള്ളം കുടിച്ചു അകത്തേക്ക് വന്നു..

അവൾ ഉച്ചക്ക് വച്ചതിന്റെ ബാക്കി ഉണ്ട്. കഴിക്കണം എന്ന് വിളിച്ചു പറഞ്ഞിരുന്നു.

കുറച്ചു കഴിഞ്ഞു കഴിക്കാം എന്ന് ഞാൻ കരുതി.

ബെഡ്റൂമിൽ കയറാൻ പോയ ഞാൻ ഞെട്ടി രണ്ടു അടി പുറകോട്ടു മാറി..

അവൾ.. കറുത്ത വേഷം അണിഞ്ഞ.
പൂച്ചയുടെ തലയും പെണ്ണിന്റെ ഉടലും വാലും ഉള്ളവൾ.. അവളുടെ നീല കണ്ണുകൾ എന്നെ കണ്ടു തിളങ്ങി..

ഞാൻ മേശയിൽ നോക്കി.. എന്റെ നോട്ടം കണ്ടിട്ട് ആകണം..
അവൾ മേശയിൽ നിന്നും പിസ്റ്റൾ എടുത്തു അതിൽ നിന്നും കാർറ്റ്രിജ് വലിച്ചു എടുത്തു അപ്പുറത്തേക്ക് ഇട്ടു..