നിയോഗം Part V( മാലാഖയുടെ കാമുകൻ) 1193

മെറിൻ തല പൊക്കി അയാളെ നോക്കി.

“വാട്ട് ഈസ് ദാറ്റ്? എന്താണ് അത്?”

“ബ്ലഡ് സാംപിൾസ്. രാജൻ കില്ലറെ ഷൂട്ട് ചെയ്തിട്ടുണ്ട്. ബ്ലഡ് നിലത്തു നിന്നും, ഭിത്തിയിൽ നിന്നും കിട്ടിയിട്ടുണ്ട്.. അവർക്ക് പറ്റിയ ആദ്യ അബദ്ധം.. ഇനി അവരെ കിട്ടും നമ്മുടെ കയ്യിൽ…”

അതൊരു വഴി തിരിവ് ആകും എന്ന് മെറിനും വിശ്വസിച്ചു..

എന്നാലും രാജന്റെ വിയോഗം അവളെ തകർത്തിരുന്നു.. അയാൾക്ക് അകെ അമ്മ മാത്രമേ ഉള്ളു.

അവരുടെ കാര്യം ആലോചിച്ചു പൊലീസുകാരി ആയ മെറിൻ അറിയാതെ കരഞ്ഞുപോയി..

എന്നാൽ.. അവളുടെ ഉള്ളിൽ കിടന്നു കത്തുന്ന പക.. അത് കുറഞ്ഞില്ല.. ആളികത്തുകയാണ് ചെയ്തത്..

“നിന്നെ കിട്ടും.. എന്റെ കയ്യിൽ…”

അവൾ പല്ലുകൾ ഞെരിച്ചു..

അവൾക്ക് ഉയർന്ന ഉദ്യോഗസ്ഥർ നടത്തിയ മീറ്റിംഗിൽ പറയാൻ ഒന്നും ഇല്ലായിരുന്നു.

തെളിവില്ലത്ത കാര്യങ്ങൾക്ക് പോലീസിൽ പുല്ലു വില ആണ്. അവൾ കുറെ വാദിച്ചു നോക്കി എന്നാലും ഒരു ഗുണവും ഉണ്ടായില്ല.

കൂടാതെ രണ്ടു ആഴ്ച സമയം കിട്ടി. അല്ലെങ്കിൽ സസ്‌പെൻഷൻ.

***

“നിനക്ക് കട തുറക്കണ്ടേ? “

ഞാൻ മീനുവിനോട് ചോദിച്ചു.. അവൾ ചോറ് ഊറ്റിഎടുക്കകയാണ്.

“കുറച്ചു കഴിയട്ടെ.. നിനക്ക് ചിലവിന് തരാൻ ഉണ്ടെടാ എന്റെ കയ്യിൽ.. നിനക്ക് ഫീൽ ആകുന്നുണ്ടോ?”

അവൾ ചോറ് പത്രം കമഴ്ത്തി വച്ച ശേഷം തിരിഞ്ഞു നിന്നു..

“അങ്ങനെ ഒന്നും അല്ല.. എന്നാലും ഇത് കാരണം ആണ്.. അല്ലെങ്കിൽ ഞാൻ എന്തെങ്കിലും പണിക്ക്….

അത് മുഴുമിപ്പിക്കാൻ കഴിഞ്ഞില്ല.

“രണ്ടും കൂടി എന്താ ഇവിടെ രഹസ്യം ?”

ഈ ചോദ്യം കേട്ട് ഞങ്ങൾ രണ്ടുപേരും ഞെട്ടി. തിരിഞ്ഞു നോക്കി.

അർച്ചന.. ഇവൾ ഇവിടെ എത്തിയോ.. എന്റെ ചുണ്ടിൽ ഒരു പുഞ്ചിരി വന്നു.

“നീ ഏതാടീ?”

മീനു ഗൗരവത്തിൽ ചോദിച്ചു..

അവൾ വന്നു എന്റെ അടുത്ത് നിന്നു..

“നീ പിടിച്ചു വച്ചിരിക്കുന്നത് എന്റെ കെട്ടിയോനെ ആണ്.. കണ്ടില്ലേ അവളുടെ അഹങ്കാരം….”

അർച്ചന അതും പറഞ്ഞു എന്നെ ചുറ്റി പിടിച്ചു..
മീനു അത് കേട്ട് ചിരിച്ചു..

അവൾ വന്നു അർച്ചനയെ ചുറ്റി പിടിച്ചു. അർച്ചന അവളെയും..

ഹാളിൽ ഒരു മീഡിയം ബാഗ് ഇരിക്കുന്നത് കണ്ടു.