നിയോഗം Part V( മാലാഖയുടെ കാമുകൻ) 1199

മെറിന്റെ ചോദ്യം അവളോട് ആയിരുന്നു.

“അത് പോലെ ഒക്കെ തന്നെ ആണ് മാം.. കൂടാതെ ഇന്ന് എനിക്ക് ഒരു കൂട്ടുകാരിയേയും ഒരു ചേച്ചിയെയും കൂടി കിട്ടി.. പിന്നെ മെറിൻ മാം… ഇഷ്ടമുള്ളത് കൊണ്ടല്ലേ ഞങ്ങൾക്ക് കാവൽ വരെ നിന്നത്? ഉണ്ട് മാം.. എനിക്കും പേടി ഉണ്ട്..”

“ഗുഡ്…”

അതായിരുന്നു മെറിന്റെ മറുപടി.. അവൾ എണീറ്റ് എന്റെ അടുത്ത് വന്നു..

“മരിക്കാൻ പേടി വേണം. അങ്ങനെ കണ്ടവർക്ക് കൊണ്ടുപോകാൻ ഉള്ളതല്ല നമ്മുടെ ലൈഫ്.. പൊരുത്തണം…

രാജൻ പോയത് പോലെ പോകാൻ പാടില്ല… കേട്ടോ?”

“മാം???”

ഞാൻ ഞെട്ടി.. ഒപ്പം മീനുവും.. അവളുടെ കണ്ണുകൾ മിഴിഞ്ഞു വന്നു.

“യെസ്‌. ദേ കിൽഡ് ഹിം ടുഡേ…”

മെറിൻ അതും പറഞ്ഞു കസേരയിൽ ഇരുന്നു.. തലക്ക് കൈ കൊടുത്തു.. ആർക്കും ഒന്നും മിണ്ടാൻ ഇല്ലായിരുന്നു..

വല്ലാത്ത ഒരു ഷോക്ക് ആയിരുന്നു അത്..

മീനു എന്നെ സങ്കടത്തോടെ നോക്കി. ബുദ്ധിമതി ആണ് മീനു. എന്നാൽ അവളുടെ മൈൻഡ് ഗെയിം രാജനെ തളർത്തുകയാണ് ചെയ്തത്. അതിൽ അവൾക്ക് സങ്കടം ഉണ്ടാകും.. അല്ല ഉണ്ട്.

എനിക്കും എന്താ പറയേണ്ടത് എന്ന് അറിയാത്ത ഒരു അവസ്ഥ ആയി.. മെറിൻ തകർന്നു ഇരിക്കുകയാണെന്നു എനിക്ക് മനസിലായി.

“മെറിൻ മാം… ഇങ്ങനെ സങ്കടപെടല്ലേ.. “

എനിക്ക് അതെ പറയാൻ പറ്റിയുള്ളൂ.. ഇവിടെ ഞാൻ വീക്ക് ആയാൽ എല്ലാം പാളും എന്ന് എനിക്ക് തോന്നി..

മെറിൻ എന്നെ നോക്കി…

“മാമിനു ഓര്മ്മയുണ്ടോ എന്നെ ആദ്യമായി കണ്ട ദിവസം?”

ഞാൻ മെറിനോട് ചോദിച്ചു.

“യെസ്‌ എങ്ങനെ മറക്കാൻ ആണ്? “

“എന്നാൽ അതിനു മുൻപേ ഞാൻ ഈ മെറിൻ ഐപിഎസ്‌ എന്ന് കേട്ടിട്ടുണ്ട്.. കണ്ടിട്ടില്ല എന്നെ ഉള്ളു….
“

ഞാൻ അത് പറഞ്ഞപ്പോൾ മെറിൻ എന്നെ നോക്കി..

“മെറിൻ എന്ന് ആരും പറയാറില്ല.. കിക്ക്‌ ബോക്സിങ് ചാമ്പ്യൻ, ഷാർപ് ഷൂട്ടർ…കുറ്റവാളികളെ അവരുടെ താവളത്തിൽ പോയി പിടിക്കുന്നവൾ… പെൺസിംഹം.. അതാണ് നിങ്ങളുടെ പേര്…”

ഞാൻ അകത്തു പോയി..

ആ പേപ്പർ എടുത്തു മെറിന് കാണിച്ചു കൊടുത്തു.. അവൾ അത് വായിച്ചു മീനുവിനെ നോക്കി..

“മീനുവിനെ അവർ കൊണ്ടുപോകും.. പിന്നെ എന്നെയും. ഞങ്ങളെ കൊല്ലാതെ നിർത്തുന്നത് വേറെ എന്തിനോ വേണ്ടി ആണ്… ഞാൻ പൊരുതാൻ തീരുമാനിച്ചു.. ജീവൻ പോയാലും ശരി….”