നിയോഗം Part V( മാലാഖയുടെ കാമുകൻ) 1199

“ഏട്ടാ.. എന്നോട് ദേഷ്യം ഉണ്ടോ?”

അവൾ എന്റെ അടുത്ത് ഇരുന്നു ചോദിച്ചു..

“ഉണ്ട്…”

ഞാൻ പറഞ്ഞപ്പോൾ അവൾ അത് പ്രതീക്ഷിക്കാത്തത് പോലെ തല താഴ്ത്തി.. കണ്ണിൽ നിന്നും വെള്ളം വന്നു..

“മരിക്കാൻ നോക്കിയതിന്….”

ഞാൻ മെല്ലെ പറഞ്ഞു… അവൾക്ക് അതൊരു സമാധാനം ആയതു പോലെ തോന്നി.

“പിന്നെ പോലീസ് വീട്ടിൽ വന്നു ബോഡി ഐഡന്റിഫൈ ചെയ്യണം എന്ന് പറഞ്ഞാൽ ഞാൻ ചിരിക്കണോ? കണ്ട അന്ന് മുതൽ മനസ്സിൽ കയറിയതാണ് ഈ കള്ളൻ.. അത് മൂർച്ച കൂട്ടിതരാൻ എന്റെ അച്ഛനും..”

അവൾ ഒരു കള്ളച്ചിരി പാസ്സ് ആക്കി..

“നിന്റെ അച്ഛനോ? “

“ആ ഏട്ടാ.. ഏപ്പൊഴും എന്നെ കളിയാക്കും, ഏട്ടന്റെ പേരും പറഞ്ഞു.. അതവസാനം പ്രേമം ആയി.. പറഞ്ഞില്ല എന്നെ ഉള്ളു… “

എനിക്ക് ചിരി വന്നു.. എന്തൊരു നിഷ്കളങ്ക ആണ് എന്റെ ഭാര്യാ.. ഡോക്ടർ ആണ് പോലും..

അവൾ അല്പം മുൻപോട്ട് അഞ്ഞു എന്റെ ചുണ്ടിൽ ചുംബിച്ചു…
ചുണ്ടിലും കവിളിലും കണ്ണിലും ഒക്കെ അവൾ ഉമ്മകൾ തന്നു..

“ആദ്യ രാത്രി ഞാൻ പറഞ്ഞത് മനസിലാക്കും എന്ന് കരുതി.. നേരെ അങ്ങ് പറഞ്ഞാൽ മതിയായിരുന്നു അല്ലെ? ഐആം സൊ സോറി.. ഏട്ടന് ഈ ജീവിതം കൊണ്ട് ഞാൻ പകരം തരും… ഈറ്റ്സ്‌ എ പ്രോമിസ്….”

അവൾ ഒന്ന് കൂടി എന്നെ ചുംബിച്ചു..

വാതിലിൽ ആരോ മുട്ടി. ഞാൻ കതകു തുറന്നു.. ഏട്ടത്തി ആണ്..

എന്നെ കണ്ട ഏടത്തിയുടെ ചുണ്ടിൽ ഒരു ചിരി വിടർന്നു..

“മോളെ പോകണ്ടേ?”

ഏട്ടത്തി അവളെ നോക്കി ചോദിച്ചു..

“മ്മ്മ്.. “

അർച്ചന വന്നു എന്നോട് പറ്റി നിന്നു.. വല്ലാത്ത വിഷമത്തോടെ..

മീനു വന്നു ഏടത്തിയുടെ തോളിൽ തൂങ്ങി.. ഏട്ടത്തി അവളെ കെട്ടിപിടിച്ചു ഉമ്മവെക്കുന്നതു കണ്ടപ്പോൾ ഞാൻ കണ്ണ് മിഴിച്ചു..

ഈ പെണ്ണിന്റെ കയ്യിൽ ആഫ്രോഡൈറ്റിയുടെ അരഞ്ഞാണം ഉണ്ടോ ആവൊ??

ഏട്ടത്തി അവളെ ചേർത്ത് നിർത്തി

“ഇനി എനിക്ക് രണ്ടു അനിയത്തിമാർ ആണെന്ന്”

എന്നെ നോക്കി ചിരിച്ചു കൊണ്ട് ഏട്ടത്തി പറഞ്ഞപ്പോൾ മീനു കണ്ണ് നിറച്ചു എന്നെ നോക്കി..

ഈ സ്നേഹത്തിനു മുൻപിൽ മാത്രം പെണ്ണിന് കണ്ണ് നനയും.

അവർ പോകാൻ ഇറങ്ങി. അർച്ചന അവളുടെ കൊച്ചു പേഴ്സ് എനിക്ക് തന്നിട്ടാണ് പോയത്.

അതിൽ പുതിയ ഒരു ഫോണും അവളുടെ ബാങ്ക് കാർഡുകളും ഉണ്ടായിരുന്നു.

“എന്റെ കെട്ടിയവൻ അങ്ങനെ കഷ്ടപെടണ്ട..ഇവൾ നന്നായി നോക്കും എന്നറിയാം.. എന്നാലും എല്ലാം ശരിയാകുന്നത് വരെ.. ആവശ്യം വന്നാലോ…”

അവൾ അത് പറഞ്ഞു മീനുവിനെ നോക്കി ചിരിച്ചു..