നിയോഗം Part V( മാലാഖയുടെ കാമുകൻ) 1199

“ഇതെന്താ? “

“ഞാൻ ഇനി ഇവിടെ ആണ്.. “

അർച്ചന ഒരു കള്ളച്ചിരി ചിരിച്ചു..
അതെന്നിൽ ഒരു പകപ്പ്‌ ഉണ്ടാക്കി.. മീനുവിനും ഒരു പേടി പോലെ..

“ഒഹ്ഹ്‌ ഇനി രണ്ടും കണ്ണിൽ കണ്ണിൽ നോക്കണ്ട.. ഞാൻ സ്വർഗത്തിലെ കട്ടുറുമ്പ് ആകില്ല. ഏട്ടത്തി അനിയന് ഇടാൻ കൊടുത്തു വിട്ടത് ആണ്…”

അർച്ചന പറഞ്ഞത് കേട്ടപ്പോൾ എനിക്ക് സമാധാനം ആയി..

“ഓഹ്‌ എന്നിട്ട് ഇത്ര സ്നേഹമുള്ള ഏട്ടത്തി എവിടെ? എന്താ അവർക്ക് കാലില്ലേ ഇങ്ങോട്ട് വരാൻ?”

എനിക്ക് ചെറുതായി ദേഷ്യം വന്നതുകൊണ്ട് ഞാൻ അർച്ചനയോടു ചോദിച്ചു..

അർച്ചന എന്നെ നോക്കി.. എന്നിട്ട് വാതിൽക്കലേക്ക് നോക്കി.. ഞാനും തിരിഞ്ഞു നോക്കി..

“ഏട്ടത്തി….!”

എന്നെ നോക്കി വാതിലിൽ ചാരി നിൽക്കുന്ന ഏട്ടത്തി..

കണ്ണിൽ നിന്നും വെള്ളം ചാടുന്നുണ്ട്.. ഏട്ടത്തി നിമിഷ നേരം കൊണ്ട് ഓടിവന്നു എന്റെ കാലിൽ അലച്ചു വീണു.. എന്താ സംഭവിച്ചത് എന്ന് അറിയുന്നതിന് മുൻപ് തന്നെ കാലിൽ ചുറ്റി പിടിച്ചു കരയാൻ തുടങ്ങി.

“പറ്റിപ്പോയി മോനെ.. നീ എന്റെ അല്ലേടാ.. ക്ഷമിക്കടാ ഈ ഏട്ടത്തിയോട്… “

അവർ അതും പറഞ്ഞു കാലിൽ മുറുക്കി പിടിച്ചപ്പോൾ ഞാൻ അവരെ വാരിവലിച്ചു പൊക്കി..

കൈകൂപ്പാൻ തുടങ്ങിയ ഏട്ടത്തിയെ ഞാൻ കെട്ടിപിടിച്ചു കരഞ്ഞു..

രണ്ടുപേരും കരഞ്ഞു.. ഏട്ടത്തിക്ക് മാത്രമാണ് എന്റെ കണ്ണുനീർ പരിചയം ഉള്ളത്.

എനിക്ക് വേണ്ടി നെറ്റിൽ ഒക്കെ നോക്കി പല പലഹാരങ്ങളും ഉണ്ടാക്കി തരുന്ന ഏട്ടത്തി,
അതു എന്നെക്കൊണ്ട് വയറു നിറയെ കഴിപ്പിക്കുന്ന ഏട്ടത്തി,
എനിക്ക് വേണ്ട എല്ലാ കാര്യങ്ങളും ചെയ്തു തന്നിരുന്ന ഏട്ടത്തി..
സ്വന്തം അച്ഛൻ വാങ്ങി കൊടുത്ത വിലയേറിയ കാറ് വരെ എനിക്ക് തന്നവൾ..

അനിയത്തിക്ക് എന്നെ ഇഷ്ടമാണെന്നു അറിഞ്ഞു ഡോക്ടർ ആയ അവളെ എനിക്ക് കൈ പിടിച്ചു തന്നവൾ.. തെറ്റ് പറ്റിപ്പോയി അവർക്ക്..

അത് ഞാൻ ക്ഷമിച്ചില്ലെങ്കിൽ ദൈവങ്ങൾ പൊറുക്കുമോ എന്നോട്?

ഞാൻ ഏട്ടത്തിയെ മുറുക്കെ കെട്ടിപിടിച്ചു.. ഏട്ടത്തി മാറി മാറി എന്റെ മുഖത്ത് ഉമ്മ വച്ചു..

ഉരുകിതീരുകയായിരുന്നു എല്ലാ പരിഭവങ്ങളും..

അതൊക്കെ നോക്കി നിന്ന അർച്ചനയുടെയും മീനുവിന്റേയും കണ്ണുകൾ നിറഞ്ഞു..

ഞങ്ങൾ കുറച്ചു നേരം ഉള്ളു തുറന്നു സംസാരിച്ചു.. അവരുടെ വീട്ടിൽ നിൽക്കാം എന്നും, വണ്ടി ഇവിടെ വെക്കാം എന്നൊക്കെ ഉള്ള നിർദേശങ്ങൾ ഞാൻ നിരസിച്ചു..

കുറഞ്ഞ സമയം കൊണ്ട് മീനുവും ഏട്ടത്തിയെ കയ്യിൽ എടുത്തു..

അർച്ചനയും ഞാനും റൂമിൽ ഇരുന്നു സംസാരിച്ചു..

അവൾ വേഗം പോയി കതക് കുറ്റി ഇട്ടു എന്റെ അടുത്ത് വന്നിരുന്നു..

മീനുവും ഏടത്തിയും പുറത്തു നിന്ന് എന്തോ സംസാരിക്കുകയായിരുന്നു.. മാറി തന്നതാണ്.