നിയോഗം Part V( മാലാഖയുടെ കാമുകൻ) 1199

അവളുടെ വാല് കിടന്നു മെല്ലെ ആടുന്നുണ്ടായിരുന്നു..

അവൾ അല്പം മുൻപോട്ട് വന്നതും വെടിച്ചില്ലു പോലെ അതിശക്തമായ ഒരു സ്പീയറിൽ കൂടി ഞാൻ അവളെ അലമാരിയോട് ചേർത്ത് ഇടിച്ചു..

അവളിൽ നിന്നും വല്ലാത്ത ഒരു ശബ്ദം വന്നു..

അവൾ ഒന്ന് പതറി എന്ന് കണ്ട ഞാൻ ശക്തമായി അവളുടെ വയറിൽ മാറി മാറി പഞ്ച് ചെയ്തു..

അവൾ ചീറ്റി.. ഒരു പുലി ചീറ്റും പോലെ ചീറ്റികൊണ്ട്
എന്നെ ഒറ്റ തള്ള് തള്ളിയപ്പോൾ ഞാൻ ഭിത്തിയിൽ അടിച്ചു തെറിച്ചു വീണു..

ഞാൻ ഒന്ന് പകച്ചു.. അതിശക്ത ആണ് അവൾ എന്ന് എനിക്ക് മനസിലായി..

എന്നാൽ തോൽക്കാൻ എനിക്ക് പറ്റില്ലായിരുന്നു..

എന്റെ അടുത്ത് വന്ന അവളെ ഞാൻ കാലിൽ പിടിച്ചു വലിച്ചു ഇട്ടു ചാടി എഴുന്നേറ്റു…

എണീക്കാൻ നൊക്കിയ അവളുടെ തലയിൽ ചാടി ഉയർന്നു അതി ശക്തം ആയി എന്റെ കൈമുട്ട് വച്ച് ഞാൻ ഇടിച്ചു..

അവൾ താഴേക്ക് വീണു.. അനക്കം ഒന്നും ഇല്ല.. എന്നെ വല്ലാതെ വിറക്കുകയായിരുന്നു.

ഞാൻ വേഗം അടുക്കളയിൽ പോയി പ്ലാസ്റ്റിക് കയർ എടുത്തു വന്നു ബോധം പോയി കിടന്ന അവളെ കട്ടിലിന്റെ കാലിൽ ചേർത്ത് മുറുക്കി കെട്ടി..

അവളുടെ കയ്യും കാലും ബന്ധിച്ചു..

അവളുടെ തല കുനിഞ്ഞു കിടക്കുകയാണ്.. തലക്ക് ശക്തമായ ഇടി കിട്ടി ബോധം പോയതാണ്.. അപ്പോൾ ഇതൊരു മനുഷ്യൻ തന്നെ..

“പട്ടി.. നിനക്ക് വേഷം കെട്ടി ഉണ്ടാക്കാൻ അല്ലെ അറിയൂ? അവളുടെ ഒരു പൂച്ചയുടെ രൂപം.. യു ബിച്ച്…”

എനിക്ക് ദേഷ്യം വന്നിരുന്നു.. വല്ലാതെ…

ഞാൻ അവളെ ഒന്ന് നോക്കി..
ഒതുങ്ങിയ കാലുകളും വയറും, അല്പം മാത്രം പൊങ്ങി നിൽക്കുന്ന മാറിടങ്ങളും..
കയ്യിൽ ഗ്ലൗസ്.
ദേഹം മൊത്തം മൂടുന്ന കറുത്ത തിളങ്ങുന്ന പാന്റും ഇന്സൈഡ് ചെയ്ത ജാക്കറ്റ്‌..

അവൾ വച്ചതു ഒരു മാസ്ക് ആണെന്ന് എനിക്ക് മനസിലായി.

അവളുടെ വാൽ മെല്ലെ അനങ്ങുന്നുണ്ട്… അതൊരു വെപ്പ് വാൽ ആയിരിക്കാം എന്ന് എനിക്ക് തോന്നി.

ഞാൻ അവളുടെ മാസ്ക് വലിച്ചു അഴിക്കാൻ നോക്കി.. അവൾ മെല്ലെ തല കുടഞ്ഞു..

“അടങ്ങി കിടക്കടീ…”

ഞാൻ അവളുടെ മുഖത്തിന് ഒരെണ്ണം കൊടുത്തു… അവൾ വീണ്ടും ചീറ്റി.. പൂച്ചയോ പുലിയൊ ചീറ്റും പോലെ..

“നീ എന്താടീ പട്ടി ചീറ്റുന്നത്? “

എന്ന് പറഞ്ഞു ഞാൻ അവളുടെ കഴുത്തിൽ പിടിച്ചു അമർത്തി.. തപ്പി നോക്കി.. ഒരു സ്വിച്ച് പോലെ ഒരു ബട്ടൺ കണ്ടു.

അതിൽ ഞെക്കിയപ്പോൾ മാസ്ക് “ടാപ്” എന്നൊരു ശബ്ദത്തോടെ ലൂസ് ആയി..