നിയോഗം Part V( മാലാഖയുടെ കാമുകൻ) 1199

View post on imgur.com

മീനുവിനെ പുറകിൽ ഇരുത്തി സ്കൂട്ടി ഓടിക്കുകയായിരുന്നു ഞാൻ..

“നീ എന്താ അർച്ചനയോടു പറഞ്ഞത്?”

ഞാൻ വണ്ടി ഓടിക്കുന്നതിനിടയിൽ മീനുവിനോട് ചോദിച്ചു.

“നിന്നെ ഞാൻ പ്രേമിച്ചോട്ടെ എന്ന്…”

അവളുടെ മറുപടി.

“ഒഹ്‌.. എന്നിട്ട്?”

“അവൾക്ക് കുഴപ്പം ഇല്ല എന്ന് പറഞ്ഞു. ജീവൻ രക്ഷിച്ച ആൾ അല്ലെ അപ്പൊ അവകാശം ഉണ്ട് പോലും..”

പുറകിൽ നിന്നും കുണുങ്ങി ചിരി.

ഞാൻ ഒന്നും മിണ്ടിയില്ല. എന്റെ കണ്ണുകൾ ചുറ്റിനും പിന്നെ ഗ്ലാസിൽ കൂടിയും ഒക്കെ നോക്കുകയായിരുന്നു.
കറുത്ത 666 നമ്പർ വച്ച വണ്ടികൾ ഉണ്ടോ എന്നായിരുന്നു ഉദ്ദേശം.

എന്നാൽ ഒന്നും കണ്ടില്ല. അതെനിക്ക് ചെറിയ ഒരു സമാധാനം ഉണ്ടാക്കി.

“നിന്റെ വീടൊക്കെ എന്ത് വലുത് ആണെടാ. എത്ര കാറുകൾ ആണ് പുറത്തു.. മൂന്നെണ്ണം അകത്തും.. അതിൽ നിന്റെ ഏതാ?”

അവളുടെ അടുത്ത ചോദ്യം.

“എനിക്ക് കാറും ഇല്ല.. ഒരു കോപ്പും ഇല്ല…”

എനിക്ക് ചെറുതായി ദേഷ്യം വന്നു.

“ഓ അവരുടെ ഇഷ്ടത്തിന് നിൽക്കാൻ പഠിക്കണം.. എന്നാൽ കിട്ടിയേനെ കാറും ജീപ്പും ഒക്കെ..”

ഇവൾ എന്നെ ദേഷ്യം പിടിപ്പിക്കുകയാണ്.

അവൾ എന്റെ പുറത്തേക്ക് ചാരി.

“സത്യമായും നിനക്ക് കാർ ഇല്ലേ? കുറെ എണ്ണം ഉണ്ടല്ലോ..?”

അവൾ സീരിയസ് ആയി ചോദിച്ചതാണ്.

“ഉണ്ടായിരുന്നു. ഡിഗ്രിക്ക് പഠിക്കുമ്പോൾ. ഞാൻ എന്റെ ഇഷ്ടത്തിന് ബോഡി ബിൽഡിംഗ് തിരഞ്ഞെടുത്തു പോയപ്പോൾ അച്ഛൻ അത് ആന്റിയുടെ മോന് കൊടുത്തു..

പിന്നെ ഏട്ടത്തി ഏടത്തിയുടെ അച്ഛൻ വാങ്ങി കൊടുത്ത മിനി കൂപ്പർ എനിക്ക് തന്നു. അതിനു എന്റെ അച്ഛൻ അവരെ അടിച്ചില്ല എന്നെ ഉള്ളു…എന്നാൽ അർച്ചനയുടെ അച്ഛന് എന്നെ ഇഷ്ടമാണ്. അങ്ങേരു പണ്ട് ജിം ഒക്കെ ആയിരുന്നു..”

“ആഹാ എന്നിട്ട്?”

അത് കേട്ടപ്പോൾ അവളുടെ കൈകൾ കൊണ്ട് എന്നെ ചുറ്റി..

“ഏട്ടത്തി ഇല്ലായിരുന്നേൽ പണ്ടേ ഞാൻ പോയി ചത്തേനെ… ആരും ആശ്രയം ഇല്ലാത്തവർക്ക് ഒരാൾ ഉണ്ടാകും.. ഇപ്പോൾ എനിക്ക് നീ ഇല്ലേ? നിനക്ക് ഞാൻ ഇല്ലേ? മെറിൻ മാം, അർച്ചന.. പോരെ? അല്ലെ? “

അവൾ ഒന്നും മിണ്ടിയില്ല. എന്നാൽ എന്റെ ബനിയന്റെ പുറകിൽ അവളുടെ തല ചേർത്ത് വച്ച അവിടെ ഒരു നനവ്.. അവൾ കരയുകയാണ് എന്ന് എനിക്ക് മനസിലായി.