ദുദീദൈദ്രുദേ-ഗൗരി- 2 [PONMINS] 388

മിത്ര : ഡി , എന്നാലും പാറു ചേച്ചി എന്ന തള്ള തള്ളിയത് ലെ ,, അവൾ പതിയെ അവൾക്ക് മാത്രം കേൾക്കുന്ന ശബ്ദത്തിൽ പറഞ്ഞു

മിഴി : എന്ത് തള്ള് ,, അവൾ കാര്യം മനസ്സിലാവാതെ ചോദിച്ചു

മിത്ര : നേരത്തെ പറഞ്ഞില്ലേ നമ്മടെ കണവന്മാർ ipsഉം ഐഎസും ആണെന്ന് ,ഇജ്ജാതി തള്ള് ഒന്നും തള്ളാൻ പാടില്ല ,, അവൾ വല്യേ കാര്യം പോലെ പറഞ്ഞു

മിഴി അവളെ ഒന്ന് സൂക്ഷിച്ചു നോക്കി കുറച്ചു നേരം പിന്നെ ഒരു ചിരി ചിരിച്ചു

മിഴി : നിങ്ങൾ ഈ ചുണ്ട് കടിച്ചു മുറിക്കൽ അല്ലാതെ സംസാരം ഒന്നും ഇല്ലാലെ ,,, അവൾ ഒന്ന് ആക്കിക്കൊണ്ട് ചോദിച്ചു

മിത്ര : എന്ത് ,, അവൾ മനസ്സിലാവാതെ ചോദിച്ചു

മിഴി : ഇപ്പൊ വരും അവർ അപ്പൊ നേരിട്ട് ചോദിച്ചു സംശയം തീർത്തോ ,,, അവൾ അതും പറഞ്ഞു തിരിഞ്ഞിരുന്നു ,മിത്ര ആകെ കൺഫ്യൂഷൻ അടിച്ചും ഇരുന്നു

അല്പം കഴിഞ്ഞതും ആദ്യം എത്തിയത് ദിവിയും ദ്രുവിയും ആണ് , ദ്രുവി അടുത്തേക്ക് വന്നതും മിഴി മിത്രയുടെ അടുത്ത് നിന്നും എണീച്ചു ദിവിയുടെ അടുത്തേക്ക് നിന്നു ദ്രുവി മിത്രക്കരികിൽ ഇരുന്നു , അവനെ കണ്ടതും കുട്ടി തീരെ സമയം കളയാൻ നിന്നില്ല

മിത്ര : അതെ , ശെരിക്കും നിങ്ങൾക്ക് എന്താ ജോബ് ,, അവൾ സംശയത്തോടെ ചോദിച്ചു

അവൻ അവളെ ഇതെന്താ ഇപ്പൊ ഇത് എന്ന രീതിയിൽ അടിമുടി ഒന്ന് നോക്കി

ദ്രുവി : എന്തെ ഇപ്പൊ ചോദിക്കാൻ ,,

മിത്ര : അല്ല പറ പ്ളീസ്

ദ്രുവി : ഇപ്പൊ പണി ഒന്നും ഇല്ല ,,, അവൻ അത് പറഞ്ഞതും മിത്ര മിഴിയെ ഒന്ന് കൂർപ്പിച്ചു നോക്കി

ദ്രുവി : അടുത്ത ആഴ്ച മുതൽ ഈ ജില്ലയുടെ കളക്ടർ ആണ് ,,, അവൻ ചിരിയോടെ പറഞ്ഞു

അതുകേട്ട മിത്രയുടെ കണ്ണ് തള്ളി
“ ശെരിക്കും “ അവൾ വീണ്ടും ചോദിച്ചതും അവൻ തലയാട്ടി സമ്മതം പറഞ്ഞു ,മിത്ര എന്തൊക്കയോ പോലെ ഇരുന്നു പോയി .

വിളിച്ചവർ ഓരോരുത്തർ ആയി വന്ന് തുടങ്ങി എല്ലാവരും എത്തിയതും കാര്യങ്ങൾ വിശദമായി തന്നെ പറഞ്ഞു കേൾപ്പിച്ചു , സിത്താരക്കുണ്ടായതും എല്ലാം കേട്ടതും എല്ലാവർക്കും സങ്കടമായി , മിഴി ആ റിപ്പോർട്ട് എടുത്തു ദിവിക്ക് അടുത്തേക്ക് എത്തി ആ പേപ്പർ അവന് കൊടുത്തു

മിഴി : അന്ന് ഡൽഹിയിൽ വെച്ച് എന്റെ മാമിന്റെ മരണ കാരണമായ അതെ വൈറസ് തന്നെ ആണ് ഇതും ,,, അവൾ അവനെ നോക്കി പറഞ്ഞതും അവൻ അവളെ ഞെട്ടലോടെ നോക്കി

ദിവി : ആർ യൂ ഷുവർ ,,, അവൻ വീണ്ടും ചോദിച്ചു

മിഴി : എസ് ,100 %,,,അവൾ ഉറപ്പിച്ചു പറഞ്ഞു .

ജിത്തു :ദിവി ,ദ്രുവി , dr ഗോപൻ , ഡ്രഗ് സ്റ്റോർ ഇൻചാർജ് സാം രണ്ടിനേം ഇങ് പൊക്കിക്കൊണ്ട് പോരെ , നിങ്ങൾ ആവുമ്പോൾ സംശയം ഉണ്ടാവില്ല കൂടെ പോന്നോളും ,,