ദി ഡാർക്ക് ഹവർ 5 {Rambo} 1696

 

കുറച്ചു ദിവസങ്ങൾക്ക് ശേഷം…

നഗരത്തിന്റെ തിരക്കേറിയ റോഡിലൂടെ കുതിച്ചു പായുകയായിരുന്ന രണ്ട് ബൈക്കുകൾ…

 

സമയം ഏകദേശം പത്ത് കഴിഞ്ഞിട്ടുണ്ട്….

സൂപ്പർ ബൈക്കുകൾ ആണെന്ന കാര്യത്തിൽ ആർക്കും സംശയമുണ്ടാകില്ല…

 

അതിന്റെ ഗംഭീരമായ ശബ്ദവും…
അതിനൊത്ത വേഗതയും…!!!

 

വലിയ ട്രാഫിക് മുന്നിലുണ്ടെങ്കിലും…
രണ്ടും പരസ്പരം മത്സരിച്ചുകൊണ്ട് തന്നെ മുന്നേറി…
ചെറിയ ചെറിയ ഗ്യാപ്പുകളിലൂടെ…
ഇരുവരും പോയിക്കൊണ്ടേയിരുന്നു…

 

അവസാനം…വിജനമായ പാതയിലെത്തിയതും…ഇരുവരും തന്റെ കഴിവുകൾ പുറത്തെടുത്തു…
ഇരുവരും ഒരുപോലെ മുന്നേറി…!!!

 

കുറച്ചകലെ ഉണ്ടായിരുന്ന ടണൽ കഴിഞ്ഞതും രണ്ടാളും വണ്ടി നിർത്തി…
ആദ്യമെത്തിയ ആൾ…ഇറങ്ങി വന്ന് മറ്റെയാളുടെ ഹെൽമറ്റ് അടക്കം തന്റെ മുഷ്ഠി ചുരുട്ടി ഒരെണ്ണം കൊടുത്തു..….

 

“”യു ലോസ് അഗൈൻ…..

ഹ…ഹാ….””
അതും പറഞ്ഞ്…അയാൾ തന്റെ ഹെൽമെറ്റ് വലിച്ചൂരി…

 

കളർ ചെയ്ത മുടിയും…
കരിമഷിയിട്ട കണ്ണുകളും…
ചെഞ്ചുണ്ടും….വശ്യമായ ചിരിയും..!!

 

ഏഞ്ചൽ….!!!

ആരും കൊതിക്കുന്ന രൂപം…

 

അവിടെയുണ്ടായിരുന്ന തെരുവുവിളക്കിന്റെ പ്രകാശത്തിലവൾ തിളങ്ങി നിന്നു…!!!

വശ്യമായ ചിരിയോടെ…
അപ്പുറത്തുള്ളയാളെയും നോക്കിക്കൊണ്ട്…