നിഴലായ്…..

Author : നന്ദൻ

“മിണ്ടരുത്… നിങ്ങൾ എന്നെ ചതിക്കുക ആയിരുന്നു…” കയ്യിലിരുന്ന സർട്ടിഫിക്കറ്റ് സുധിയുടെ മുഖത്തേക് വലിച്ചെറിഞ്ഞു കൊണ്ട് അഭിരാമി ചീറി…
“”ഞാൻ എന്റെ അമ്മാവന്മാരുടെ മുഖതെങ്ങനെ നോക്കും… ഏതു ഗതി കെട്ട നേരത്താണോ എന്തോ നിങ്ങൾക്ക് വേണ്ടി ഒരു ജോലി ശെരിയാകാൻ ഞാൻ അവരോടു പറഞ്ഞത്…””

“”ഒരു പത്താം ക്ലാസ്സു പോലും പാസ്സാകാത്ത ഒരുത്തന്റെ ഒപ്പം… ഛെ… “”കലി അടങ്ങാതെ അഭിരാമി വീണ്ടും ഒച്ച വെച്ചു കൊണ്ടിരുന്നു… നിങ്ങൾ എന്തൊക്കെ പറഞ്ഞാണ് എന്നെ വിശ്വസിപ്പിച്ചത്…

ഞാൻ നിന്നോട് എന്തു പറഞ്ഞു അഭി…?? ശാന്തമായിരുന്നു സുധിയുടെ സ്വരം… ഞാൻ നിന്നെ പെണ്ണ് കാണാൻ വരുമ്പോളും പറഞ്ഞിരുന്നത് ഞാൻ ഒരു ബിസ്സിനെസ്സ് കാരൻ മാത്രം ആണെന്നാണ്…. ഇപ്പോളത്തെ സാഹചര്യത്തിൽ എന്റെ ബിസ്സിനെസ്സ് നഷ്ടമാണ്.. പക്ഷെ എനിക്ക് ആരോഗ്യമുണ്ട് എന്ത് പണി ചെയ്തിട്ടായാലും നിന്നെയും മകളെയും പട്ടിണിക്കിടില്ല അത് പോരെ “”

“”ഹ്മ്മ് ഒരു ബിസ്സിനെസ്സ് കാരൻ… തലയ്ക്കു മുകളിൽ കയറി നിൽക്കുന്ന കടം…അതല്ലേ നിങ്ങളുടെ ബിസ്സിനെസ്സ്…പിന്നെ പത്താം ക്ലാസ്സ്‌ പോലും പാസ്സാകാത്ത നിങ്ങൾക്ക് ആര് ജോലി തരാൻ….എവിടേലും പോയി തെണ്ടേണ്ട വരും
പിന്നെ എനിക്ക് അങ്ങനെ ഒരു തെണ്ടിയുടെ ഭാര്യ ആയി എനിക്ക് ജീവിക്കണ്ട “”

“”എന്റെ കടങ്ങളും ബുദ്ധിമുട്ടുകളും എപ്പോളെങ്കിലും നിന്നെയോ നമ്മുടെ മകളെയോ അറിയിച്ചിട്ടുണ്ടോ അഭിരാമി… നിങ്ങൾക്ക് എന്തിനെങ്കിലും ഒരു കുറവ് ഞാൻ വരുത്തിയിട്ടുണ്ടോ…””

“”ങ്ങും കുറവ്… പിന്നെ എല്ലാം കൂടുതൽ ആണല്ലോ… എന്റെ കൂട്ടുകാരിയുടെ കല്യാണത്തിന് പോവാൻ പുതിയൊരു സാരിയും മാലയും വേണമെന്ന് പറഞ്ഞപ്പോൾ നിങ്ങളെന്താ പറഞ്ഞത്… വേണമെങ്കിൽ പഴയതു ഇട്ടോണ്ട് പോകാൻ…. എനിക്കും ഉണ്ട് ആഗ്രഹങ്ങൾ… നിങ്ങളുടെ കൂടെ വന്നതിൽ പിന്നെ എന്റെ ജീവിതം നരകം ആയി…”‘

“”ങ്ങും നരകം…””സുധി യുടെ മുഖത്തു വിഷാദഛായയിൽ ഒരു ചിരി വിടർന്നു..