ദക്ഷാർജ്ജുനം 5[Smera lakshmi] 141

അങ്ങനെയുള്ളപ്പോൾ ശങ്കരന് പഠിക്കാൻ പണത്തിനു വേണ്ടി രാമൻ വേറെ ഒരാളോട് സഹായം ചോദിച്ചു എന്നറിഞ്ഞാൽ പിന്നെ എന്താ ചെയ്യാ.

 

ആകെ ഉള്ള കിടപ്പാടം പണയം വെച്ചിട്ട് പണം വാങ്ങേണ്ട എന്തെങ്കിലും കാര്യം രാമന് ഉണ്ടായിരുന്നോ?

 

എന്നോടൊ അച്ഛനോടൊ ചോദിക്കാമായിരുന്നില്ലേ.

 

എന്നും പറഞ്ഞ് ആദിനാരായണൻ രാമനെ നോക്കി.

 

അതുവരെയും തലകുനിച്ചു നിന്നിരുന്ന രാമൻ മെല്ലെ പറഞ്ഞു.

 

അത്…..കുഞ്ഞേ……

 

ഈ മനയിലുള്ളവർ ഞാൻ ചോദിക്കാതെ തന്നെ ശങ്കരന് പഠിക്കാൻ ഒരുപാട് സഹായം ചെയ്തിട്ടുള്ളതാണ്.

 

ഇനിയും ചോദിക്കാൻ മനസ്സ് വരുന്നില്ല കുഞ്ഞേ,

അതുകൊണ്ടാ അങ്ങനെ ചെയ്തത്.

 

ശരി.. ശരി..

 

കുറച്ചു കഴിഞ്ഞ് ശങ്കരനോട് എന്നെ കാണാൻ വരാൻ പറയൂ.

 

ശെരി കുഞ്ഞേ….

 

രാമൻ അവിടുന്ന് നടന്നു നീങ്ങി.

 

ദക്ഷ തന്റെ അച്ഛന്റെ മുഖത്തേക്ക് നോക്കി നിന്നു.

 

ഉം എന്താ ഇങ്ങനെ നോക്കുന്നേ.