ദക്ഷാർജ്ജുനം 17 [Smera lakshmi] 105

“അവന്റെ മുഖം കാർമേഘം കണക്കെ ഇരുണ്ടത് കണ്ടപ്പോൾ വൈദുവിന് പന്തികേട് തോന്നി.”

എന്തുപറ്റിയെടാ നിനക്ക്?

“ഒന്നുമില്ലെടാ ഞാനും ലക്ഷ്മിയും തമ്മിലുള്ള വിവാഹം നടക്കാൻ സാധ്യതയില്ല.”

അവൻ നിരാശയോടെ പറഞ്ഞു.

“സാധ്യതയില്ലെന്നോ അതിനുമാത്രം എന്താ അവിടെ ഉണ്ടായത്?നീ ഒന്ന് തെളിച്ചു പറയെടാ.”

വൈദു അവന്റെ തോളിൽ പിടിച്ചുകൊണ്ട് ചോദിച്ചു.

“താൻ ശേഖരന്റെ മകനല്ലെന്നും ഒരു ഓർഫനേജിൽ നിന്നും എടുത്തു വളർത്തിയത് ആണെന്നും തുടങ്ങി ഉണ്ടായ എല്ലാകാര്യങ്ങളും ആനന്ദ് പറഞ്ഞു.”

ആനന്ദ് പറഞ്ഞത് കേട്ട് വൈദു പല്ലുകൾ ഞെരിച്ചു.

“അവിടെ ഇത് പറയേണ്ടതിന്റെ വല്ല ആവശ്യവും നിന്റെ അച്ഛനുണ്ടായിരുന്നോ….അതും നിന്റെ മുൻപിൽ വച്ച്?”

എന്നിട്ട് നീ എങ്ങനെ അത് സഹിച്ചെടാ….

വൈദു സങ്കടത്തോടെ ചോദിച്ചു.

അതു കേട്ടതും ആനന്ദ് ഒന്നു പുഞ്ചിരിച്ചു കൂടെ മിഴികൾ നിറഞ്ഞു.