ദക്ഷാർജ്ജുനം 16 [Smera lakshmi] 136

ദിവസങ്ങൾ വേഗത്തിൽ കൊഴിഞ്ഞുവീണു.

“ദക്ഷയുടെ ജന്മനാളായ തുലാമാസത്തിലെ ആയില്യം നാൾ വന്നെത്തി.”

“അർജ്ജുനനും ദക്ഷയ്ക്കും മോക്ഷം നൽകുന്ന ദിവസവും.”

“തന്റെ കഠിനവ്രതം അവസാനിപ്പിച്ച് വേദവർമ്മനും ഉണ്ണിയും ഈശ്വരമംഗലത്തെത്തി.”

“ഈശ്വരമംഗലത്തുള്ളവർ അവരെ ആയില്യംക്കാവിൽ എല്ലാം തയ്യാറാക്കി വച്ചിരിക്കുന്ന മാന്ത്രികകളത്തിലേക്ക് ആനയിച്ചു.”

“ആദ്യം തന്നെ അനന്തഭദ്രയുടെ ആത്മാവിനെ യഥാവിധി പൂജാദികർമ്മങ്ങളോടെ ദേവീസങ്കൽപ്പത്തിൽ ബാലികാരൂപത്തിലുള്ള പഞ്ചലോഹ വിഗ്രഹത്തിലേക്ക് ലയിപ്പിച്ചു.”

“അപ്പോൾ ആ വിഗ്രഹം കണ്ണഞ്ചിപ്പിക്കുന്ന തേജസ്സോടെ ജ്വലിച്ചുനിന്നു.”

“നാഗത്തറയുടെ ഒരുഭാഗത്തായി അവർ ആ വിഗ്രഹം പ്രതിഷ്ഠിച്ചു.”

“പിന്നീട് ദക്ഷയെ ആവാഹിച്ച് മോക്ഷപ്രാപ്തിക്കായുള്ള മന്ത്രകളത്തിൽ വേദവർമ്മനും അനന്തനാരായണനും പത്മാസനത്തിലിരുന്നു.”

അവർ അൽപസമയം മിഴികളടച്ചിരുന്നു.

“പെട്ടെന്ന് വേദവർമ്മൻ മിഴികൾ തുറന്നു.”

“ഞാൻ പറഞ്ഞപ്രകാരം എല്ലാവരും ഇവിടെ എത്തിയിട്ടില്ലല്ലോ മഹാദേവാ….ആരാണത്?”

വേദവർമ്മൻ ചോദിച്ചു.

“അങ്ങ് പറഞ്ഞ പ്രകാരം എത്തിയിട്ടുണ്ട്.
ശങ്കരനൊഴികെ.”