ദക്ഷാർജ്ജുനം 16 [Smera lakshmi] 135

“എല്ലാം അവസാനിപ്പിക്കാൻ സമയമായിരിക്കുന്നു.

അനന്താ….”

“എന്റെ വ്രതം അവസാനിക്കുന്ന ആ ദിവസം “തുലാമാസത്തിലെ ആയില്യം നാൾ അവളുടെ ജന്മനാൾ “അവൾക്ക് മോക്ഷം നൽകാൻ ഏറ്റവും ഉചിതമായ ദിനം.”

“അന്ന് അവളുടെ ശക്തി പതിന്മടങ്ങ് വർദ്ധിക്കും എങ്കിലും ആയില്യം നക്ഷത്രം അതിന്റെ അവസാനപാദത്തിലെത്തുമ്പോൾ അവളുടെ ശക്തി കുറയും.
ആ സമയം നോക്കി വേണം നമുക്ക് നമ്മുടെ കർമ്മം വിജയത്തിലെത്തിക്കാൻ.”

എല്ലാം നിനക്കും അറിവുണ്ടാകുമല്ലോ അല്ലേ?

“വേദവർമ്മൻ അനന്തനോട് ഇത്പറയുന്നതിനിടയിൽ അനന്തൻ പടിപ്പുരയ്ക്ക് പുറത്ത് അരളിമരത്തിൽ ഇരിക്കുന്ന ഒരു രൂപത്തെ നോക്കി.”

അദ്ദേഹത്തിന്റെ നെറ്റിയിൽ ചുളിവുകൾ വീണു.

“ഈ ചൊവ്വൂരില്ലത്ത് നടക്കുന്നതൊന്നും ആ ഇരിക്കുന്ന ആൾക്ക് മനസ്സിലാവില്ലെന്ന് തനിക്കറിയില്ലെടോ.”

വേദവർമ്മൻ അതുംപറഞ്ഞു ഉറക്കെ ചിരിച്ചു.

പെട്ടെന്ന് അനന്തൻ എണീറ്റു.