ദക്ഷാർജ്ജുനം 16 [Smera lakshmi] 136

എങ്ങനെ ബഹളം വയ്ക്കാതിരിക്കും ഞങ്ങൾ വന്നതുപോലും നീയറിഞ്ഞില്ല.

“നിനക്കെന്താടാ പറ്റിയത്….നീ ഞങ്ങളുടെ പഴയ ആനന്ദേ അല്ല.
നിനക്കെന്തൊക്കെയോ മാറ്റം സംഭവിച്ചിട്ടുണ്ട്.”

പറയെടാ….നീ ലച്ചുവുമായി പിണങ്ങിയോ?

ദേവൻ ചോദിച്ചു.

ഏയ് ഇല്ലെടാ….ഞങ്ങൾ തമ്മിൽ ഒരു പ്രശ്നവുമില്ല.
നീ പറഞ്ഞതുപോലെ എനിക്കെന്തു മാറ്റം വരാനാ.

“പിന്നെ അച്ഛന്റെ ഫ്രണ്ട്‌സ് ഒക്കെ മരിച്ചുപോയതോർത്ത് അങ്ങനെ ഇരുന്നുപോയതാ.”

ആനന്ദ് കള്ളം പറഞ്ഞു.

അവൻ പറയുന്നത് കളവാണെന്നു മനസ്സിലായെങ്കിലും പിന്നെ അവർ ഒന്നും ചോദിക്കാൻ പോയില്ല.

അല്ല….നിങ്ങളെന്തിനാ വന്നത്?

ദേവാനന്ദ് ചോദിച്ചു.

ഞാൻ പറയാം ആനന്ദേ.

എന്ന് പറഞ്ഞ് ശ്രീ അവന്റെ അടുത്ത് വന്നിരുന്നു.

ഈയിടെയായി എന്റെ ആമിയ്ക്ക്(ശ്രീരഞ്ജന്റെ വുഡ്ബി)എന്താ പറ്റിയത് എന്നറിയില്ല.