ദക്ഷാർജ്ജുനം 16 [Smera lakshmi] 136

“വേദാ….എത്രയും വേഗം എനിക്ക് ഈശ്വരമംഗലത്തെത്തണം….”

അനന്തൻ പറഞ്ഞു.

ശരിയാ….ഉടൻതന്നെ പുറപ്പെട്ടോളൂ.

“താൻ മനസ്സിൽ വിചാരിച്ചത് പോലെ തന്നെ ചെയ്യാം.
അതാണുത്തമം.”

തനിക്ക് സഹായത്തിനായി ഉണ്ണിയും ഉണ്ടാകും.

വേദവർമ്മൻ മറുപടി നൽകി.

ഉടൻതന്നെ അനന്തനും ഉണ്ണിയും അവിടെനിന്നും യാത്രയായി.

????????????????????????

“അന്നേരം പൂക്കുന്നിമലയുടെ അടിവാരത്തിലെ ഗുഹയിൽ ത്രിലോചനൻ ദക്ഷയെ ആവാഹിച്ച് തന്റെ അടിമയാക്കണം എന്ന ദുരുദ്ദേശത്തോടെ ആവാഹനകർമ്മം തുടങ്ങികഴിഞ്ഞിരുന്നു.”

“സ്വന്തം ഗുരുവിന്റെ ദൃഷ്ടിപോലും മറച്ചുപിടിച്ചായിരുന്നു ത്രിലോചനൻ ആ കർമ്മത്തിനൊരുങ്ങിയത്.”

“ഈശ്വരമംഗലത്തുള്ളവരെ ഉപദ്രവിച്ചാൽ സർവനാശം ആയിരിക്കും ഫലം എന്ന ഗുരുവിന്റെ മുന്നറിയിപ്പിനെ അവഗണിച്ച് സ്വന്തം ശക്തിയിലുള്ള ആത്മവിശ്വാസം അയാളെ അഹങ്കാരിയാക്കി തീർത്തു.”