തിരുഗണിക-2 [Harshan] 3734

അധ്യായം 12

മന്ത്രക്കാരൻ കതിരവൻ

ശതരൂപ ഗണികാധർമ്മം ആരംഭിച്ചുകഴിഞ്ഞിരുന്നു.

തിരുഗണികയാകണമെന്ന ലക്ഷ്യത്തെ മുൻനിർത്തി ആഴ്ചയിൽ ഒരാളെ വീതം മാത്രം ശതരൂപ സ്വീകരിച്ചു തുടങ്ങി. അയാളെ സർവ്വവിധത്തിലും രതിയുടെ  പരകോടിയിലുള്ള സംതൃപ്തിയിൽ  എത്തിച്ചു കൊണ്ട്  ഒരു സാധാരണ ഗണികയെക്കാൾ അഞ്ചു മടങ്ങു പ്രതിഫലമായി നേടിക്കൊണ്ട് ശതരൂപ ജീവിതം മുന്നോട്ടു കൊണ്ട് പോകുന്ന സമയം.

പെട്ടന്നൊരുനാൾ

അർദ്ധരാത്രി ശതരൂപ ദുസ്വപ്നം കണ്ടു ഭയന്നെണീക്കുകയുണ്ടായി.

അവൾ ഭയത്തോടെ അമ്മയെ വിളിച്ചു കരഞ്ഞു.

മൃണാളിനി ഭയത്തോടെ ഓടി അവളുടെ മുറിയിൽ അവൾക്കരികിലായിരുന്നു അവളെ സമാധാനിപ്പിച്ചു.

വിളക്ക് തെളിയിച്ചു വെച്ച് ശതരൂപ ഭയത്തോടെ തന്നെ കട്ടിലിൽ കിടന്നു

ഭയം കാരണം അവൾ മൃണാളിനിയെ അവിടെ നിന്നും പോകാൻ അനുവദിച്ചില്ല.

ഇതേ സംഭവം പലകുറിയവർത്തിക്കുകയുണ്ടായി.

അതോടെ ശതരൂപയുടെ മനോനിലയെയും അപതാളത്തിലാക്കുകയുണ്ടായി.

ഇടയ്ക്കു വരുന്ന തുള്ളിയുള്ള പനിയും ഉറക്കപ്പാച്ചിലും പിത്തലാട്ടവും  എല്ലാം കൊണ്ടും അവളുടെ ദേഹവും ക്ഷീണിച്ചു കൊണ്ടിരുന്നു.

ഇതോടെ മൃണാളിനി ഏറെ വിഷമത്തിലും ഭയത്തിലുമായി.

ശതരൂപയെ പ്രാപിക്കാൻ വാരത്തിൽ വരുന്നവർ അതിനു സാധിക്കാതെ തിരിച്ചു പോയികൊണ്ടേയിരുന്നു.വൈദ്യന്മാരെ കൊണ്ട് വന്നവളെ കാണിപ്പിച്ചുവെങ്കിലും അവർ കൊടുക്കുന്ന മരുന്നുകളും ഫലിക്കാതെ വന്നു, മരുന്ന് ഫലിക്കാത്ത വന്നപ്പോൾ മൃണാളിനി ശതരൂപയേയും കൂട്ടി അയൽഗ്രാമമായ ഉമരിയിലെ മന്ത്രക്കാര൯ കതിരവന്റെയടുത്തേക്ക് പോയി.

കതിരവൻ എൺപതു  കഴിഞ്ഞൊരു മുത്തപ്പനായിരുന്നു.

ഇരുപതു ഇരുപത്തിയഞ്ചു കൊല്ലം മുന്നേ കതിരവൻ ധാതുപുഷ്ടിയുള്ള കാലത്ത്  നല്ലപോലെ  മൃണാളിനിയെ കിടത്തിയും നിർത്തിയും ഇരുത്തിയും പ്രാപിച്ചത് നടന്ന ചരിത്രം.

മൃണാളിനി കാലിൽ വീണു കരഞ്ഞപ്പോൾ മന്ത്രക്കാരൻ കതിരവ൯ മുത്തപ്പന് മനസ്സലിഞ്ഞു.

അയാൾ കളം വരച്ചു ശതരൂപയെ കളത്തിൽ ഇരുത്തിയവളുടെ മുടിനാരും  ഇരുപത്തിയൊന്നു കൊല്ലിമുളകും ഉപ്പും കടുകും കൈയോടെ പിടിച്ചു നാക്ക് നീട്ടി തുള്ളി ഉറക്കെ കൈകൂപ്പി ജപിച്ചു