തിരുഗണിക-2 [Harshan] 3731

ചതുർത്ഥ ഖണ്ഡം

ശതരൂപായനം

അധ്യായം 16

ദല്ലാൾ സുന്ദരപാണ്ഡ്യ൯

നിത്യവൃത്തിക്ക് പോലും ഗതിയില്ലാതെ ദുർഗതിയിൽ ചാമകഞ്ഞി കുടിച്ചും കിഴങ്ങു ചുട്ടു തിന്നും മൃണാളിനിയ്ക്കും ശതരൂപയ്ക്കും കഴിയേണ്ടി വന്നു. യവനപുണ്ണ് വ്യാപനം കുറഞ്ഞുവെങ്കിലും അതിനെ ഭയന്ന് ലൈംഗികദാഹം തീർക്കാൻ ധനികർ എത്താത്തതും ദുർഗ്ഗതിക്ക് ആക്കം കൂട്ടി.

അന്നൊരു സന്ധ്യയ്ക്ക്

“മൃണാളിനിയക്കച്ചീ,,ഇവിടെയാരുമില്ലേ വീട്ടുകാരെ,,,” എന്ന് പുറത്തു നിന്നും ഒരു പുരുഷശബ്ദമുയർന്നു.

ശതരൂപ മുറിയിൽ നിന്നും പുറത്തേക്കുവന്നു വാതിൽ തുറന്നു.

തിളങ്ങുന്ന മഞ്ഞജുബ്ബയും മുണ്ടും കഴുത്തിൽ മൂന്നു മടക്കു തങ്കമാലയും പത്തു വിരലുകളിൽ മോതിരവും അണിഞ്ഞു വെട്ടിയൊതുക്കിയ മീശയും മുന്നിൽ കഷണ്ടി കയറിയ തലയു൦ ഒപ്പം വശങ്ങളിലെ മുടി  മൈലാഞ്ചി പുരട്ടി ചുവപ്പിച്ച അഞ്ചരയടി ഉയരമുള്ള സാമാന്യം വണ്ണമുള്ള മധ്യവയസ്കനായ മനുഷ്യൻ.

ദല്ലാൾ സുന്ദരപാണ്ഡ്യ൯

എട്ട് ഗ്രാമങ്ങൾക്കപ്പുറമുള്ള സീതാർപുരം ഗ്രാമക്കാരൻ.

തൊഴിൽ  മാട് വീട്  മദ്യം മണ്ണ് പെണ്ണ്  അടക്കമുള്ള കച്ചവടങ്ങൾക്ക് മൂന്നാമൻ ദല്ലാൾ സുന്ദരപാണ്ഡ്യ൯.

അയാളെ കണ്ടപ്പോൾ ശതരൂപ മന്ദഹസിച്ചു.

” ദല്ലാൾ മാമാ ,,,”

“മോളെ ,,, മൃണാളിനീയക്കച്ചിയെവിടെ ?”

“ഉള്ളെ വാ ദല്ലാൾ മാമാ,,,” ശതരൂപ അയാളെ ഉള്ളിലേക്ക് ക്ഷണിച്ചു.

അയാൾ പാദുകമൂരി ഉള്ളിലേക്ക് കയറി ഉമ്മറത്തിട്ടിരുന്ന കസേരയിൽ ഇരുന്നു.

” ‘അമ്മ കുളിക്ക്യാ ,,,ഏറെ നാളായല്ലോ ദല്ലാൾ മാമാ ഇങ്ങട്ടൊക്കെ വന്നിട്ട് “ശതരൂപ കുശലം തിരക്കി.

“തിരക്കിലായിരുന്നു മോളെ ,,അതാ ഈ വഴിയൊന്നും കാണാഞ്ഞത്, എല്ലാം ഞാനറിഞ്ഞിരുന്നു മോൾ ഗണികയായി അരങ്ങേറിയതും ഇവിടെ പേര് കേൾപ്പിച്ചതുമെല്ലാം,, എന്ത് ചൊല്ലാനാ മോളെ ഇവിടെയിപ്പോൾ വറുതിയായല്ലോ ”

“ആഹാ ,,പാണ്ട്യൻ ദല്ലാളാണല്ലോയിത് , മറന്ന് പോയോ ഞങ്ങളെയൊക്കെ ” കുളി കഴിഞ്ഞു ഉമ്മറത്തേക്ക് വന്ന മൃണാളിനി അയാളെ കണ്ടമാത്രയിൽ ചോദിച്ചു.

“എന്താ ഈ ചൊല്ലുന്നത് , മൃണാളിനിയക്കച്ചിയെ ഞാൻ മറക്കാനോ, തിരക്കായിരുന്നു അതാ വരാതെ പോയത്,”

“ങ്ഹാ ,,,,എന്ത് പറയാനാ പാണ്ട്യൻ ദല്ലാളെ ,,ഒക്കെ നഷ്ടമായി , ഇപ്പോ ഞങ്ങളൊക്കെ അന്തകൂപത്തിലാ,,ദുഖവും ദുരിതവും ദുർഗ്ഗതിയും മാത്രമേ സമ്പത്തായുള്ളു..”

മൃണാളിനി വിഷമത്തോടെ പറഞ്ഞു.