തിരുഗണിക-2 [Harshan] 3797

അധ്യായം 18

നാഗാചാരി അപ്പലനാഗേശ്വര

പിറ്റേന്ന്

“നാഗം മുന്നേ നിക്കവേണ്ടാ

നാഗം മുന്നേ നിക്കവേണ്ടാ

നാഗം മുന്നേ നിക്കവേണ്ടാ “

അരികിലിരുന്നു കാതിലാരോ മൂളുന്നപോലെ

ശതരൂപ ഞെട്ടിയുണർന്നു ചുറ്റും നോക്കി

മുറിയിൽ ശിലാഭദ്രൻ ഉണ്ടായിരുന്നില്ല

അവൾ ജാലകത്തിലേക്ക് നോക്കിയപ്പോൾ  ഉള്ളിലേക്കടിക്കുന്ന പകൽവെളിച്ചത്താൽ സൂര്യനൊക്കെയൂദിച്ചിട്ട് നേരമേറെയായി എന്ന് മനസ്സിലായി.

ആടുന്ന ഘടികാരത്തിൽ നോക്കിയപ്പോൾ സമയം പത്തു മണി കഴിഞ്ഞിരിക്കുന്നു.

അവൾ മെത്തയിൽ നിന്നും എഴുന്നേറ്റു

ജാലകത്തിനു സമീപം വന്നു തിരശീല നീക്കി പുറത്തേക്ക് നോക്കി

പുറത്തൊരു കോണിൽ കോണകമുടുത്തൊരു കറുത്തുമുടി ചുരുണ്ട പുരുഷൻ കോടാലി കൊണ്ട് വിറക് വെട്ടികൂട്ടിയിടുന്നത് കണ്ടു.അയാൾക്കരികിൽ തലേന്ന് കണ്ട നോട്ടക്കാരൻ വെള്ളയ്യൻ നിൽക്കുന്നു.

അയാൾ ശതരൂപ നിൽക്കുന്നയിടത്തേക്ക് നോക്കി

അയാൾക്കൊപ്പം കറുത്തപുരുഷനും

അവൾ ഉള്ളിൽ തോന്നിയ ഭയത്താൽ തീരശീല നീക്കി ജാലകമടച്ചു.

കാടിന് നടുവിലുള്ള ആ മാളികയ്ക്കും അതിന്റെ ചുറ്റുപാടിനും എന്തൊക്കെയോ നിഗൂഢതകൾ ഉണ്ടെന്നവളുടെ മനസ് പറഞ്ഞു. കാരണമറിയാതെ അവൾക്കുള്ളിൽ എന്തൊക്കെയോ ഭീതിയനുഭവപ്പെട്ടിരുന്നു. ഒരു പ്രേതഭവനത്തിൽ ചുറ്റും ആത്മാക്കൾക്കിടയിൽ നിൽക്കുന്നപോലൊരു പ്രതീതി, അവൾക്കുള്ള ഭക്ഷണം സമയാസമയം വെള്ളയ്യൻ കൊണ്ട് വന്നു കൊടുത്തിരുന്നു.

“ശിന്നവൻ എവിടെ  എന്നയാളോട് തിരക്കിയപ്പോളും എന്തോ പരുഷമായ പോലെ പുലമ്പി അയാൾ പോകുകയാണുണ്ടായത്. അന്ന് വൈകീട്ട്