തിരുഗണിക-2 [Harshan] 3971

അതിവിശാലമായ കൊട്ടാരസദൃശമായ മാളികയായിരുന്നു അത്.

ഉള്ളിൽ വിലകൂടിയ ഈജിപ്ഷ്യൻ മാർബിളുകൾ പാകിയിരിക്കുന്നു.

എങ്ങും അതിമനോഹരമായ എണ്ണഛായാചിത്രങ്ങൾ കൊണ്ട് അലങ്കരിച്ചിരിക്കുന്നു.

നോട്ടക്കാരൻ വെള്ളയ്യൻ ശതരൂപയെയും കൊണ്ട് പടികൾ കയറി രണ്ടാം നിലയിലുള്ള ഒരു മുറിയിലേക്ക് നടന്നു.

ഒരു മുറിയുടെ മുന്നിലെത്തിയപ്പോൾ വാതിലിൽ മുട്ടി.

“ശിന്നവരെ ” എന്ന് വിളിച്ചു.

“മാമാ,,,ആമ്മേനു ലോപെലിക്കിരമ്മനി   ചെപ്പു ” ഉള്ളിൽ ഒരു നിന്നും ഒരു പുരുഷശബ്ദ൦ ഉയർന്നു.

അതുകേട്ടു നോട്ടക്കാരൻ കിളവൻ  അവളോട് ഉള്ളിലേക്ക് ചെല്ലാൻ പറഞ്ഞു.

അവൾ ഭയത്തോടെ ഉള്ളിലേക്ക് പ്രവേശിച്ചു.

ആ വിശാലമായ മുറിയിൽ അങ്ങിങ്ങായി നിരവധി എണ്ണവിളക്കുകൾ തെളിയിച്ചിരുന്നു. അതിമനോഹരമായി അലങ്കരിച്ചിരുന്ന മുറിയിൽ വിലകൂടിയതും അമൂല്യങ്ങളുമായ മരയുരുപ്പടികളും ഇരിപ്പിടങ്ങളും ഒപ്പം ആ മുറിക്ക് കൂടുതൽ ഭംഗി പകരുന്ന എണ്ണഛായാചിത്രങ്ങളും.

ആശങ്കയോടെ അവൾ ഉള്ളിൽ  നിന്നപ്പോൾ ഒരു കോണിൽ പൂർത്തിയായിക്കൊണ്ടിരിക്കുന്ന  ഒരു ചിത്രം വരഞ്ഞിരിക്കുന്നത് കണ്ടു.

ആ ഛായാചിത്രം കണ്ടപ്പോൾ അത്ഭുതം കൊണ്ടവളുടെ കണ്ണുകൾ മിഴിഞ്ഞു.

തന്റെ മുഖമാണ് അവൾ ആ ചിത്രത്തിന് സമീപം വന്നു നിന്നു സൂക്ഷിച്ചു നോക്കി.

തന്റെ നഗ്നമായ പ്രതിരൂപം മനോഹരമായി വരഞ്ഞിരിക്കുന്നു.

അവൾ ആ ചിത്രത്തിൽ വീണ്ടും ശ്രദ്ധയോടെ നോക്കി.

അവൾ അതിൽ വരഞ്ഞിരിക്കുന്നത് കണ്ടു ആശ്ചര്യപ്പെട്ടുപോയി

തന്റെ ഇടത്തെ മാറിടത്തിന് താഴെയും പൊക്കിളിനു ഇടതു ഭാഗത്തും അരക്കെട്ടിൽ ഇന്ദ്രിയഭാഗത്തിന് തൊട്ടു മേലെ മധ്യഭാഗത്തുമുള്ള കുഞ്ഞു കരിംപുള്ളികൾ പോലും വ്യക്തമായി യഥാസ്ഥാനത്ത് വരച്ചു വെച്ചിരിക്കുന്നു.

അത്ഭുതം കൂറി നിൽക്കുന്ന അവളുടെ ഇടത്തെ ചുമലിൽ ഒരു കൈ പതിഞ്ഞു.

ഞെട്ടലോടെ അവൾ തിരിഞ്ഞു നോക്കി.

ആറടിയുയരത്തിൽ വെളുത്ത് അതിസുന്ദരമായ ആകാരഭംഗിയോടെ  കരുത്തുറ്റ ദേഹത്തോടെ ഒരു ഗന്ധർവ്വനെന്ന പോലെ രൂപമുള്ള ഒരു യുവാവ്.

കഴുത്തു വരെയെത്തിയ മുടിയും ഒതുക്കിയ താടിയും മീശയും കണ്ണുകളിൽ അവർണ്ണനീയമായ വശ്യതയുമൊക്കെയായി അതിസുന്ദരൻ.

ഇത്രയും സുന്ദരനായ ഒരുവനെ ശതരൂപ ജീവിതത്തിൽ കണ്ടിട്ടില്ല.

ആ യുവാവിന്റെ മുഖത്തേക്കും ദേഹത്തേക്കും ശതരൂപ മാറിമാറി നോക്കി വിസ്മയപ്പെട്ടു.

ആ സൗന്ദര്യത്തിലവൾ അടിമപ്പെട്ടപോലെയായി.