തിരുഗണിക-2 [Harshan] 3971

കൂട്ടത്തിലുള്ള പലർക്കും അവരോടു അസൂയ കനത്തിരുന്നുവെങ്കിലും അതൊന്നു൦ ഒരു തരത്തിലും ശതരൂപയെ ബാധിച്ചതുമില്ല.

അതെ സമയം ശതരൂപയെ കുറിച്ച് കേട്ടറിഞ്ഞു കൂടുതൽ പുരുഷന്മാർ തുളുവച്ചിപ്പട്ടണത്തിൽ എത്തുകയുണ്ടായി, അവളുടെ നൃത്തവും കണ്ടു  അധികം ധനശേഷിയില്ലാത്ത അവർ വികാരശമനത്തിനായി അന്നാട്ടിലെ മറ്റു സ്ത്രീകളെ  സമീപിക്കുന്നത് കൊണ്ട്  ബാക്കിയുള്ളവർക്കും വരുമാനം കൂടുകയുണ്ടായി.

അവിടെ പുതിയ സത്രങ്ങൾ ഉയർന്നു.

പുറമെ നിന്നും കച്ചവടക്കാർ കൂടുതലായി വന്നു കച്ചവടം ആരംഭിച്ചു

അവിടത്തെ പുരുഷന്മാർക്ക് ദിവസകൂലിക്ക് ജോലി സാധ്യമായി.

ഓരോ വീടുകളിലും നിത്യവരുമാനം വർധിക്കുകയുണ്ടായി.

ശതരൂപയാൽ തുളുവച്ചിപ്പട്ടണത്തിൽ ഐശ്വര്യം  നിറഞ്ഞു എന്നത്  അവിടെ വസിക്കുന്നവർ നൈസർഗ്ഗികമായ അസൂയയാൽ സമ്മതിക്കുകയില്ലായിരുന്നു

എല്ലാ ആണ്ടിലും പെരുമഴക്കാലം വരുന്നതിനെ തുളുവച്ചിപട്ടണത്തെ സംബന്ധിച്ചു ജ്യേഷ്ഠാ ( ചേട്ട/ മൂശേട്ട) ബാധിക്കുന്ന കാലമാണ്. പെരുമഴക്കാലമായതിനാൽ ഖനിയിലെ പ്രവർത്തനം നിലയ്ക്കുമ്പോൾ കച്ചവടക്കാരെ ബാധിക്കും ,പുരുഷന്മാരുടെ ഖനിതൊഴിലിനെയും അനുബന്ധവേലകളെയും ബാധിക്കും. അതിനാൽ തുളുവച്ചിപട്ടണത്തിലേക്ക് പുരുഷന്മാരുടെ വരവ് കുറയും, പെരുമഴക്കാലം തുളുവച്ചിപട്ടണത്തിനു ചേട്ടകാലമാണ്. പക്ഷെ ശതരൂപ അരങ്ങേറിയപ്പോൾ ഈ പെരുമഴക്കാലത്തും ധനികരുടെ വരവ് വർധിക്കുക തന്നെയുണ്ടായി.ദൂരദേശങ്ങളിൽ നിന്നും പുരുഷന്മാർ വരികയുണ്ടായി,അതിനാൽ തന്നെ തുളുവച്ചിപട്ടണത്തെ ചേട്ടക്കാലം വലിയ രീതിയിൽ ബാധിച്ചതുമില്ല.

ജ്യേഷ്ഠ നക്ഷത്രത്തിൽ (തൃക്കേട്ട ) പിറന്ന ശതരൂപ തുളുവച്ചിപ്പട്ടണത്തിലെ ചേട്ടയെ ആട്ടിപ്പായിച്ചു

എന്ന് പലർക്കും രഹസ്യമായെങ്കിലും സമ്മതിക്കേണ്ടി വന്നിരുന്നു.

തൃക്കേട്ടകൂത്തച്ചിയായ ശതരൂപ  തുളുവച്ചിപട്ടണത്തിന്റെ സമൃദ്ധിദേവതയായി മാറി. അവൾ ചേട്ടയെപായിച്ച ചേട്ടകൂത്തച്ചി  അല്ലെങ്കിൽ മൂശേട്ടയെ പായിച്ച തൃക്കേട്ടകൂത്തച്ചി തന്നെയായിരുന്നു എന്നത് യാഥാർഥ്യം.