തിരുഗണിക-2 [Harshan] 3971

അധ്യായം 15

ചേട്ടയെപ്പായിച്ച ചേട്ടകൂത്തച്ചി

അനന്തരം

ശതരൂപയ്ക്ക് യാതൊരു വിധ പ്രയാസങ്ങളും അനുഭവപ്പെട്ടിരുന്നില്ല.

അവളേറെ സന്തോഷവതിയായി കഴിഞ്ഞിരുന്നു.

എല്ലാ വിഷമതകളുമകന്നവളുടെ ജീവിതത്തിൽ മോദം നിറയുകയുണ്ടായി.

ആഴ്ചയിൽ ഒരേയൊരു ദിവസം മാത്രം അവൾ ഒരേയൊരു പുരുഷനു ദേഹം സമർപ്പിച്ചു തുടങ്ങി.

അവളുടെ അദ്വിതീയമായ വൈശികകലകളിലെ അവഗാഹത്താൽ അവളോട് വേഴ്ച കൊള്ളുന്ന പുരുഷന് സ്വർഗ്ഗീയ സുഖം പ്രാപ്തമകുകയുണ്ടായി. അതിനാൽ തന്നെ അവൾ പേര് കേൾപ്പിച്ചു തുടങ്ങി.

ഒപ്പം

സത്രത്തിൽ എല്ലാ ദിനവും സായാഹ്നത്തിൽ ശതരൂപയുടെ നൃത്തനാട്യങ്ങൾ കൂടെ ആരംഭിച്ചു തുടങ്ങി.

അവളുടെ അതിപ്രഗല്ഭമായ പ്രാവീണ്യത്താൽ തന്നെ കാണികൾ ദൂരദേശങ്ങളിൽ നിന്ന് പോലും അവളുടെ നൃത്തം കാണാൻ വന്നു തുടങ്ങി. അവളുടെ നൃത്ത൦ കണ്ടു തന്നെ കാണികൾ അവള്ക്ക് നേരെ പണം വാരിയെറിഞ്ഞു.

ആഴ്ചയിൽ ഒരു ദിവസത്തേക്ക് അവളെയൊന്നനുഭവിക്കുവാൻ പ്രഭുക്കന്മാർ ലേലത്തിൽ പങ്കു കൊണ്ടു, ഏറ്റവും ഉയർന്ന തുക വിളിക്കുന്നവന് അവളെ പ്രാപിക്കാൻ അവസരമൊരുങ്ങി .  മറ്റു ഗണികമാർ ഒരുമാസം കൊണ്ട് നേടുന്നത് അവൾ ഒരു ദിവസ൦ കൊണ്ട് തന്നെ നേടിത്തുടങ്ങി.

കിട്ടിയ പണം കൊണ്ട് ശതരൂപ അമൂല്യങ്ങളായ പട്ടു വസ്ത്രങ്ങളും സ്വർണ്ണ രത്ന ആഭരണങ്ങളും വാരികൂട്ടി.

ആ വീടവരുടെ ഭാഗ്യഭവനമാണ് എന്ന് വിശ്വസിച്ചിരുന്നതിനാൽ ആ വീട്ടിൽ നിന്നും മാറിയിരുന്നില്ല,

രണ്ടു മുറികൾ കൂടുതൽ എടുത്തു മോടിപിടിപ്പിച്ചു ,

വീട്ടിൽ ധനം കുമിഞ്ഞു കൂടിയതോടെ മൃണാളിനിയുടെ കണവൻ ഉത്തമപുരുഷൻ കുറഞ്ഞ വിലയ്ക്ക് കിട്ടുന്ന നാടൻ വാറ്റു ചാരായം കുടിക്കുന്നത് നിർത്തി, നിറമുള്ള ആകാരവടിവുള്ള കുപ്പികളിൽ കിട്ടുന്ന വിലകൂടിയ മദ്യത്തിലേക്ക് തിരിഞ്ഞു.

മൃണാളിനി വർഷങ്ങളായി തുടർന്നിരുന്ന വേശ്യാവൃത്തിയവസാനിപ്പിച്ചു സർവ്വസമ്പൽ സമൃദ്ധിയോടെ ജീവിതം കരുപിടിപ്പിച്ചു.

അപ്പോഴും

ശതരൂപ വേഴ്ചാദിനത്തിൽ ഒരു മാറ്റവും വരുത്തിയിരുന്നില്ല.

ആഴ്ചയിൽ ഒന്ന് എന്ന കണക്കിൽ തന്നെ സേവനം നടത്തിക്കൊണ്ടിരുന്നു.

അതുപോലെ തിരുഗണികയാകണമെന്ന  തീവ്രമായ മോഹവും കൈവിട്ടു പോയില്ല, അവൾ ബാക്കിയുള്ള ദിവസങ്ങളിൽ ഒഴിവു നോക്കി അതിനായിയുള്ള പരിശീലനവും തുടർന്നുകൊണ്ടിരുന്നു.