തിയോസ് അമൻ 3 [NVP] 269

“ആഹാ അപ്പൊ കോളേജ് ഹീറോ നമ്മട ക്ലാസ്സിൽ തന്നെ ആണല്ലേ…….”

രാഹുൽ ആണ് അതിനു ചിരിച്ചു കൊണ്ട് മറുപടി കൊടുത്തത്. എനിക്ക് സന്തോഷം ആയത് ഇനി ഇപ്പൊ ഒരുത്തനും ഈ ക്ലാസ്സിൽ ഉള്ളവരോട് പെട്ടന്ന് ചൊറിയാൻ വരില്ല എന്നോർത്താണ്.

“അവനുമായി കൂട്ടായാൽ പിന്നെ എല്ലാം ക്ലീൻ ”

ഞാൻ മനസ്സിൽ ആലോചിച്ചു.

“അഹ് പിന്നെ ആള് ഇത്തിരി വെല്ല്യ പുള്ളി ആണെന്ന കേട്ടത് അവന്റെ അച്ഛൻ വെല്ല്യ കൊമ്പത്തെ ബിസിനെസ്സ് കാരൻ ആണെന്ന കേട്ടെ പോരാത്തതിന് മന്ത്രിമാരും പോലീസും ഒക്കെ അവരുടെ കയ്യിൽ ആണത്രേ……”

അനസ് അത് പറഞ്ഞത് കൂടി അവനുമായി ചങ്ങാത്തം ഉണ്ടാക്കാം എന്ന ചിന്ത അപ്പൊ തന്നെ ആവി ആയി എന്ന് പറഞ്ഞാൽ മതിയല്ലോ ?.

കൊറച്ചു കഴിഞ്ഞപ്പോ ആള് വന്നു. കാണാൻ സുന്ദരനാണ് വെളുത്തു തുടുത്ത ഒപ്പം നല്ല ശരീരവും അതിനൊത്ത പൊക്കവും . ജിമ്മിൽ ഒക്കെ പോയി വാർത്തെടുത്തതാവും. ആരായാലും ഒന്ന് കേറി മുട്ടാൻ രണ്ടു വട്ടം ആലോചിക്കും അമ്മാതിരി ആണ് അവന്റെ ശരീരം.

രാഹുൽ അവനെ തന്നെ നോക്കി ഇരിക്കുന്നത് കണ്ടു. ക്ലാസ്സിൽ പെൺകുട്ടികൾ എല്ലാം ഒരു ആരാധനയോടെ ആണ് നോക്കുന്നത്. ആൺകുട്ടികൾ കുറച്ചു ആസൂയയോടെ ആണ് നോക്കുന്നത് എന്ന് എനിക്ക് തോന്നി.

“എന്തായാലും ഒന്നുറപ്പായി കോളേജിലെ ഹീറോ അവൻ തന്നെ.”

ഞാൻ മനസ്സിൽ ഒന്ന് ആലോചിച്ചു ഇരിക്കുമ്പോഴാണ് ശരിക്കും ഇടിത്തീ പോലെ ഒരാൾ കേറിവന്നത്.

ഒരു പെൺകുട്ടി ആണ് പർപിൾ നിറത്തിലുള്ള ഒരു കുർത്തി ആണ് വേഷം ഗോൾഡ് കളറിൽ കൊറേ അലങ്കാര പണികളും കൂടി ആയപ്പോൾ അത് കണ്ണിനു മികച്ച ഒരു കാഴ്ച നൽകുന്നു. അവളുടെ കാതിൽ ജിമിക്കി കമ്മൽ ആണ് എവിടെയോ കണ്ടു മറന്ന ഒരു ജിമിക്കി കമ്മൽ, മുഖം കണ്ടപ്പോൾ അത് എവിടെ വെച്ചാണ് കണ്ടത് എന്ന് മനസിലായി പക്ഷെ ഇപ്പൊ എന്റെ മനസമാധാനം ആണ് പോയത്.