തിയോസ് അമൻ 3 [NVP] 269

 

ഒരു വീട്ടിൽ ചെറിയ മുറിയിൽ ആയി ഒരു ദീപം കൊളുത്തി വെച്ചു അതിനു മുന്നിൽ ആയി ഒരു വൃദ്ധനും യുവവും ധ്യാനത്തിൽ മുഴുകി ഇരിക്കുകയാണ്. അവരുടെ വസ്ത്ര ധാരണ മനുഷ്യരുടെതിൽ നിന്നും വളരെ വ്യത്യസ്തമാണ്.പെട്ടന്ന് പുഞ്ചിരിച്ചു കൊണ്ട് വൃദ്ധൻ കണ്ണ് തുറന്നു.

“പ്രിയ ശിഷ്യ…….”

 

“ഗുരൂ…… എന്താണ് ഗുരു അങ്ങയുടെ മുഖത്ത് ഇത്ര സന്തോഷത്തിനു കാരണം ”

 

“അവനിൽ ശക്തികൾ ഉണരാനുള്ള സമയമായി………”

 

ഗുരു പറഞ്ഞ കാര്യം കേട്ട യുവാവിന്റെ കണ്ണുകൾ സന്തോഷത്തിൽ തിളങ്ങി

 

“അങ്ങ് പറഞ്ഞു വരുന്നത്……..”

 

“അതേ ഇനി അവന്റെ നാളുകൾ ആണ്….. അവൻ ആരാണെന്നും അവന്റെ ശക്തികൾ എന്താണെന്നും അറിയാനുള്ള സമയം ആഗതം ആയിരിക്കുന്നു……..”

 

“അങ്ങനെ ആണെങ്കിൽ സഹയത്തിനായി നമ്മളിൽ ആരെങ്കിലും അദ്ദേഹത്തിന്റെ കൂടെ വേണ്ടതല്ലേ…….”

 

അത് കേട്ടതും വൃദ്ധൻ ഒന്ന് പുഞ്ചിരിച്ചു കൊണ്ട് തുടർന്നു.

 

“അവനുള്ള സംരക്ഷണം ഞാൻ നേരത്തെ ഉറപ്പു വരുത്തിയിട്ടുണ്ട് നമ്മളിലെ ഒരാൾ തന്നെ ആണ് അവന്റെ സംരക്ഷണ ചുമതല ഏല്പിച്ചിട്ടുള്ളത്……എപ്പോഴും നിഴലായി ആ സംരക്ഷണം അവന്റെ നിഴലായി കൂടെ ഉണ്ടാകും.”

 

പെട്ടന്ന് എന്തോ ഓർത്ത പോലെ വൃദ്ധന്റെ മുഖത്തെ സന്തോഷം പെട്ടന്ന് മങ്ങി. അത് ആ യുവാവ് ശ്രദ്ധിക്കുകയും ചെയ്തു.

 

“ഗുരു എന്താണ് പ്രശ്നം……”

 

“ശിഷ്യ അവനു ചുറ്റും ഒരു സാരക്ഷണം ഉള്ള പോലെ ഒരു അപകടവും പതുങ്ങി ഇരിപ്പുണ്ട്…..”

 

“നമ്മൾ എന്തെങ്കിലും ഹെയ്യേണ്ടതായുണ്ടോ……”

 

യുവാവ് സംശയ പൂർവം ചോദിച്ചു