തിയോസ് അമൻ 3 [NVP] 269

“ഈ നീ അല്ലെ എന്നെ ഇന്നലത്തെ കാര്യം പറഞ്ഞു കളി ആക്കിയത്…….. ഇപ്പൊ നോക്കിയേ…….”

എന്നും പറഞ്ഞു ഞാൻ അവനെ പിരികേറ്റാൻ നോക്കി.

അത് എക്കുകയും ചെയ്തു.കാരണം അതിനു മറുപടി ആയി ഒരു കലിപ്പ് നോട്ടം ആയിരുന്നു.

ഞങ്ങൾ കോളേജിന്റെ ഉള്ളിലേക്ക് കേറി ചെന്നപ്പോൾ ഞങ്ങൾ വിചാരിച്ച പോലെ ഒന്നും തന്നെ ഉണ്ടായിരുന്നില്ല. അത് ഞങ്ങൾക്ക് ഇരുവർക്കും ഒരാശ്വാസമായി എന്ന് വേണമെങ്കിൽ പറയാം.

“ഇതെന്താടാ ഈ കോളേജിൽ റാഗിംഗ് ഒന്നും ഇല്ലേ………”

ഒരു അതിശയത്തോടെ ആണ് അവൻ അത് ചോദിച്ചത്.

“ആഹാ ഇപ്പൊ അതാണോ നിന്റെ പ്രശ്നം……”

ഞാൻ അവനോടു ഒരു കള്ള പരിഭവം നടിച്ചു ചോതിച്ചു.

“അതെല്ലടാ ഊളെ കോളേജ് ആയ റാഗിംഗ് ഒക്കെ ഉള്ളതല്ലേ പക്ഷെ ഇവിടെ നോക്കിയേ…… ഭയങ്കര…… ശാന്തത…….. ”

“ഹ്മ്മ്മ് ശരി ആണ് ചിലപ്പോ ഇവിടെ അതൊന്നും ഉണ്ടാവൂല്ലായിരിക്കും. അതൊക്കെ എന്തെങ്കിലും ആവട്ടെ നമ്മുടെ ക്ലാസ്സ്‌ കണ്ടുപിടിക്കണ്ടേ…”

അങ്ങനെ ക്ലാസ്സ്‌ ഒക്കെ തപ്പി പിടിച്ചു ക്ലാസ്സിൽ കയറി. ക്ലാസ്സിൽ കയറിയതും എന്നെയും വലിച്ചു അവൻ രാഹുൽ നേരെ പോയത് ബാക്ക് ബെഞ്ചിലേക്കാണ്. അവിടെ വേറെ ഒരുത്തനും കൂടി ഉണ്ടായിരുന്നു. അവന്റെ പേര് അനസ് എന്നാണ് വാപ്പയുടെ പേര് കരീം ഉമ്മയുടെ പേര് ഫാത്തിമ, അവനു സ്നേഹം കൂടുമ്പോ പാത്തു എന്ന് വിളിക്കും . അവന്റെ കയ്യിൽ അല്പം തരികിട പരിപാടി ഒക്കെ ഉണ്ട് എന്തായാലും പ്രശ്നകാരനല്ല.അങ്ങനെ സംസാരിച്ചിരിക്കുന്നതിന്റെ ഇടയിൽ ആണ് അവൻ ഒരു കാര്യം പറഞ്ഞത് ഇന്ന് സെക്കന്റ്‌ ഇയറിലെ ഒരു ചെക്കനും ഫസ്റ്റ് ഇയറിലെ ഒരു ചെക്കാനും നല്ല തല്ലു ആയെന്നു.

“ആഹ് അപ്പൊ അതാണ്‌ റാഗിംഗ് പരിപാടി ഒക്കെ ഉണ്ടാവാഞ്ഞത് അല്ലെ……എല്ലാ എന്തിനാ തല്ലായത്………”

രാഹുൽ ആണ് അത് ചോദിച്ചത്.

“അതൊന്നും എനിക്കറിയില്ല ഞാൻ കാണുമ്പോൾ ഒരു ചെക്കന്റെ കയ്യിൽ സെക്കന്റ്‌ ഇയറിലെ ഒരു ചേട്ടന്റെ കഴുത്തായിരുന്നു. എന്തായാലും വന്ന അന്ന് തന്നെ ആള് ഹീറോ ആയി.പിന്നെ ടീച്ചർമാർ വന്നു ഇടപെട്ടാണ് ഒന്ന് ഒതുക്കിയത്….പിന്നെ ആള് നമ്മുടെ ക്ലാസ്സിപ് തന്നെ ആണാട്ടോ……”