തിയോസ് അമൻ 3 [NVP] 269

ഒന്ന് മൂളുക മാത്രമായിരുന്നു രാഹുലിന്റെ പ്രതികരണം.

“ടാ നിനക്ക് കോളേജിൽ പോണ്ടേ……. ഇങ്ങനെ കിടന്നാൽ എങ്ങനെ ആണ്……”

“ഓ……. അങ്ങനെ ഒരു സംഭവം ഉണ്ടല്ലേ ”

എന്നും പറഞ്ഞു അവൻ എന്നെ ഒന്ന് ഇളിച്ചു കാണിച്ചു.

“എനിക്കാൻ നോക്കടാ…. ഞാൻ റെഡി ആവാൻ പോവേണ് നീ എപ്പോഴാണെന്ന് വെച്ചാൽ വായോ ആദ്യ ദിവസം തന്നെ നേരം വൈകാൻ എന്നെ കിട്ടൂല്ല….”

ഞാൻ അതും പറഞ്ഞു ബാത്‌റൂമിലേക്ക് പോയി.കുളിയും ജപവും എല്ലാം കഴിഞ്ഞു ഞാൻ വന്നു നോക്കുമ്പോൾ അവൻ അപ്പോഴും കിടന്നു ഉറങ്ങേണ് പിന്നെ ഒന്നും നോക്കീല്ല ആസ്ഥാന സ്ഥാനത്തെ കൽവെച്ചു കനത്തിൽ തന്നെ ഒരു തൊഴി കൊടുത്തു ….

“അമ്മേ…….. എന്റെ മൂലമറ്റം……. വയ്യ……. എനിക്ക്….. വയ്യാ… ഇന്ന് ഇനി ഇപ്പൊ എനിക്ക് പഠിക്കാൻ ഒന്നും മൂഡില്ല.”

എന്നും പറഞ്ഞു മൂഡ് ഒന്ന് തഴുകി വീണ്ടും കട്ടിലിൽ കേറി കിടന്നു.

“ഇനിയും നീ കിടന്നാൽ എന്റേന്ന് വാങ്ങും എഴുന്നേറ്റു റെഡി ആവാൻ നോക്കടാ……”

ഞാൻ അതും പറഞ്ഞു ഒന്ന് കലിപ്പിൽ നോക്കി. പക്ഷെ എന്ത് കാര്യം അവനു അത് കോമഡി ആയിട്ടാണ് തോന്നിയത് പറഞ്ഞട്ടു കാര്യം ഇല്ല അമ്മാതിരി എക്സ്പ്രഷൻ ആയിരുന്നു എന്റെ മുഖത്തു ഒന്ന് ദേഷ്യം കാണിച്ചു പേടിപ്പിക്കാൻ നോക്കിയതാ ഇതിപ്പോ ഞാൻ കോമഡി പീസ് ആയി. ആഹ് എന്തെങ്കിലും ആവട്ടെ അവൻ എഴുന്നേറ്റല്ലോ അത് തന്നെ ലാഭം ?.

വേഗം തന്നെ ഞങ്ങൾ റെഡി ആയി ഭക്ഷണം കഴിച്ച് കോളേജിലേക്ക് ഇറങ്ങി.

കോളേജിന്റെ മുന്നിൽ എത്തിയതിനു ശേഷം അവന്റെ മുഖം ഇഞ്ചി കടിച്ച കുരങ്ങനെ പോലെ ആയി(അങ്ങനെ തന്നെ അല്ലെ ?). എന്തുകൊണ്ടാണെന്ന് എനിക്ക് ചെറിയ സംശയം ഉണ്ടായിരുന്നു ചോദിച്ചപ്പോൾ എന്റെ ഊഹം തെറ്റിയില്ല. ഞങ്ങൾ കോളേജിൽ എത്തി വെല്ല പണിയും സീനിയർസ് തരുമോ എന്നാണ് ആലോചിക്കുന്നത്. സാധാരണ ഞാൻ ആണ് പേടിച്ചു വിറക്കേണ്ടത് പക്ഷെ ഇന്ന് എനിക്ക് പേടി ഉണ്ട് എന്നാൽ സാധാരണ ഉണ്ടാവുന്നത് പോലില്ല.അവൻ ആണെങ്കിൽ ഇന്ന് കോളേജിലേക്ക് കേറണോ എന്ന് വരെ ആലോചിച്ചു തുടങ്ങി കാണും അങ്ങനത്തെ അവസ്ഥയിൽ ആണ് അവൻ.

ഇന്നലെ എന്നെ പറഞ്ഞു കളി ആക്കിയവൻ ആണ് ഇപ്പൊ ഇതും ആലോചിച് പേടിക്കുന്നത് ഞാൻ മനസ്സിൽ ആലോചിച് ചിരിച്ചു.. ?