തിയോസ് അമൻ 3 [NVP] 269

അതോടെ അവൻ അവന്റെ സ്വപ്നത്തിൽ നിന്നും ഉണർന്നു……… എന്താണ് സംഭവിച്ചതെന്ന് മനസിലാവാതെ അവൻ തനിക്കു ചുറ്റും അമ്പരപ്പോടെ ഒന്ന് നോക്കി…….. അതിനു ശേഷം അവൻ അടുത്തുള്ള ജഗ്ഗിൽ നിന്നും വെള്ളം എടുത്ത് കുടിച്ചു അടങ്ങാത്ത ദാഹം പോലെ ആയിരുന്നു അവനു ആ നേരത്ത്. സമയം നോക്കിയപ്പോൾ പുലർച്ചെ രണ്ടുമണി കഴിഞ്ഞട്ടുള്ളു . പിന്നീട് അവനു ഉറക്കം വന്നില്ല.കാരണം അവന്റെ മനസ്സിൽ അവനു ഉത്തരം കിട്ടാത്ത കുറേ ചോദ്യങ്ങൾ മാറ്രം ആയിരുന്നു.

“ഇതൊക്കെ എന്താണ് മായാജാലമോ …….. കണ്ടതും കേട്ടതും സത്യമെങ്കിൽ ആരായിരുന്നു അത്….. അയാൾക്കെങ്ങനെ എന്നെ കുറിച്ചറിയാം…..”

അവൻ സ്വയം പിറു പിറുത്തു.

“അയാൾ എന്തിനാണ് ഞാൻ ആരാണെന്നു ചോദിച്ചത്…… ശരിക്കും ഞാൻ ആരാണ്……. ആരാണ് ഞാൻ………”

അവസാനം പറഞ്ഞ വാക്കുകൾ അവൻ പോലും അറിയാതെ അല്പം ഉച്ചത്തിൽ ആയി പോയി……. അതും കേട്ടാണ് രാഹുൽ ചാടി എഴുന്നേറ്റ് ലൈറ്റ് ഇട്ടത്…….. മനുവിന്റെ ഇരിപ്പും ചോദ്യവും കേട്ടപ്പോ തന്നെ രാഹുലിന് കാര്യം മനസിലായി…..

“ഡാ….. പുന്നാര ₹%### മോനെ ഈ പാതിരാത്രിക്ക് തന്നെ നിനക്ക് ഞാൻ പറഞ്ഞു തരണോ നീ ആരാണെന്നു എന്നെക്കൊണ്ട് ഒന്നും പറയിപ്പിക്കരുത് പോയി കിടക്കട നാറി…….”

രാഹുലിന്റെ ദേഷ്യം കണ്ടു മനു ഒന്ന് ഇളിച്ചു കാണിച്ചു കൊണ്ട് കിടക്കാൻ പോയി എല്ലെങ്കിൽ നന്നായി പറഞ്ഞു തരും എന്നറിയുന്നത് കൊണ്ടാവാം….

******************************************

അപരിചിതമായ ഒരു സ്ഥലം