തിയോസ് അമൻ 3 [NVP] 269

 

അങ്ങനെ പിറ്റേ ദിവസം എഴുന്നേറ്റു പതിവ് പണികൾ എല്ലാം കഴിഞ്ഞു അനസിനെയും കൂട്ടി ഞങ്ങൾ കോളേജിലേക്ക് യാത്രയായി. ഞങ്ങൾ ക്ലാസ്സിൽ എത്തിയപ്പോൾ ആൽവിൻ ഞങ്ങളെയും കാത്തു ഞങ്ങളുടെ ബഞ്ചിൽ ഇരിപ്പുണ്ടായിരുന്നു.

 

“ഇനി മുതൽ ഞാൻ നിങ്ങളുടെ ഒപ്പം കൂടേണ്….. എന്താ കൂട്ടൂല്ലേ……..”

ആൽവിൻ ആണ് ചോദിച്ചത്……

 

“ഓ അതിനെന്താ…….”

 

ഞാൻ ആണ് മറുപടി പറഞ്ഞത്.അവർക്കും സമ്മതം ആയിരുന്നു.

 

“എന്റെ കൂടെ കൂടാൻ നോക്കുന്നവർ ഒക്കെ മിക്കതും എന്റെ കയ്യിൽ കാശു കണ്ടുകൊണ്ടൊക്കെ ആണ്. പക്ഷെ തന്റെ സ്വഭാവം നേരെ തിരിച്ചാണ് ഒരിക്കലും താൻ സ്വാർത്ഥ താല്പര്യത്തിന് വേണ്ടി സൗഹൃദം ഉപയോഗിക്കില്ല എന്ന് എനിക്ക് തോന്നി അതുകൊണ്ടാ നിങ്ങളുടെ കൂടെ കൂടാം എന്ന് കരുതിയത് ”

 

ആൽവിൻ ഞങ്ങളുടെ മനസ്സ് വായിച്ച പോലെ ഞങ്ങളിൽ ഉയർന്നു വന്ന സംശയങ്ങൾക്കുള്ള മറുപടി ചിരിച്ചു കൊണ്ട് തന്നു.

 

“അതൊന്നും ഉണ്ടാകില്ല പക്ഷെ എനിക്ക് തന്റെ സഹായം ഇന്ന് ചോദിക്കാൻ നിക്കുകയായിരുന്നു.”

 

എന്താ എന്നാ രീതിയിൽ ആൽവിൻ എന്നെ നോക്കി.

 

“തനിക്കു ഇവിടെ എവിടെയെങ്കിലും ഒരു പാർട്ടൈം ജോബ് എനിക്ക് ശരി ആക്കി തരാൻ പറ്റോ.”

 

“അതെന്തിനാടോ ഇപ്പൊ ഒരു ജോലി ”

 

“അതെല്ലടാ ഇനി അങ്ങോട്ട്‌ ഓരോ ചിലവുകളും വരുകയല്ലേ അപ്പൊ അതൊക്കെ നടക്കണം എങ്കിൽ എന്തെങ്കിലും വരുമാനം വേണ്ടേ എന്തോരം എന്ന് വെച്ചാണ് എല്ലരും എന്നെ സഹായിക്കുക.”

 

“ഇത് തന്നെ ആണ് ഞാൻ നേരത്തെ പറഞ്ഞത്. സ്വന്തം കാലിൽ മറ്റുള്ളവരെ ബുദ്ധിമുട്ടിക്കാതെ കഴിയണം എന്നുള്ള ഈ സ്വഭാവം ആണ് എനിക്ക് ഇഷ്ടമായത്…… താൻ വിഷമിക്കണ്ടടോ ഇവിടെ എനിക്ക് കുറച്ചു കടകൾ അറിയാം എന്തായാലും ഒരു ജോലി ഞാൻ ശരി ആക്കി തരാം…… എന്താ പോരെ…….”

 

“ഓഹ്….. സന്തോഷം “