ക്യാമ്പസ് ഡയറി

Author : മനൂസ്

 

View post on imgur.com

 

നമുക്ക് പിരിയാം സാഗർ……

 

ഇത്ര പെട്ടെന്ന് നിനക്ക് എന്നെ മടുത്തോ പ്രിയാ…..

 

നിന്നെ ഞാൻ സ്നേഹിക്കുന്നു സാഗർ ഒരു കടലോളം… പക്ഷെ മറ്റൊരാളുടെ കുഞ്ഞു എന്റെ വയറ്റിൽ വളരുന്നുണ്ട്…..

 

ആരാണ് പ്രിയേ നിന്റെ കുഞ്ഞിന്റെ അച്ഛൻ….. പറയു…..

 

“ഒരു ചായ താ…..”

 

“അമ്മേ ഒരു ചായ തരാൻ…….”

ആര് കേൾക്കാൻ…..

 

അതേങ്ങാനാ ഈ സീരിയലിന്റെ മുമ്പിൽ ഇരുന്നാൽ പിന്നെ ബോധം ഇല്ലല്ലോ…..

 

“തള്ളേ ചായ തരാൻ……”

ഞാൻ വീണ്ടും കൂവി…..

 

“തള്ള നിന്റെ കെട്ടിയോളാടാ …..”

 

“അമ്മാ അമ്മാന്നു ഞാൻ തൊണ്ട പൊട്ടുമാറുച്ചത്തിൽ വിളിച്ചിട്ട് നിങ്ങൾ ചെവിക്കൊണ്ടോ….”

 

“നീ ആരു കാഥികനോ ഇങ്ങനെ പറയാൻ…. മര്യാദയ്ക്ക് സംസാരികട ഊളെ…..”

 

“ഒരു ചായ താ അമ്മാ…..”

 

“അങ്ങനെ വഴിക്ക് വാടാ കുട്ടാ….”

 

“അതേങ്ങാനാ…. ഈ കുന്തം ഇങ്ങനെ ഇത്രയും ഉച്ചത്തിൽ വച്ച് കണ്ടോണ്ടിരിക്കുവല്ലേ…. പിന്നെങ്ങാനാ കേള്ക്കുന്നെ…..”

 

“അച്ചോടാ…. തന്ത ആരെന്ന് അറിഞ്ഞില്ല…..”

 

“തന്തയോ….. ആരുടെ……”

 

“കരിവണ്ടിലെ പ്രിയയുടെ കൊച്ചിന്റെ…..”

 

“ഒലക്ക….ഇമ്മാതിരി ഓരോ ഊള സീരിയൽ കണ്ടാ ഓരോ കുടുംബം കൊളമാകുന്നേ….ഇനിയും ഇത് കണ്ടോണ്ടിരുന്നാ എന്റെ തന്ത വന്ന് അമ്മയുടെ തന്തക്ക് വിളിക്കും…..”