ക്യാമ്പസ് ഡയറി [മനൂസ്] 363

അവനെ ഇനിയും വിഷമിപ്പിക്കാൻ എനിക്ക് വയ്യ… ഈ സാഹചര്യത്തിൽ അവൻ കൂടെ ഉണ്ട് എന്നൊരു ധൈര്യമാണ് എനിക്ക്….. നാളെ തന്നെ അവന് മുന്നിൽ എന്റെ മനസ്സ് തുറക്കണം ……

നാളത്തെ സന്തോഷ നിമിഷങ്ങൾ ആലോചിച്ചുകൊണ്ട് അവൾ ഉറക്കത്തിലേക്ക് വീണു……

××××××××××××××××××××××××××××××××××××

പതിവിലും നേരത്തേ അവൾ കോളേജിൽ എത്തിയിരുന്നു…..കുട്ടികൾ വന്ന് തുടങ്ങുന്നതെയുള്ളൂ….. അവന്റെ ഫോണിലേക്ക് വിളിക്കാൻ ഒരു ശ്രമം അവൾ നടത്താൻ തുനിഞ്ഞെങ്കിലും പിന്നീട് അത് ഉപേക്ഷിച്ചു……

കുറച്ചു നേരത്തെ കാത്തിരിപ്പിന് ഒടുവിൽ അവൻ വരുന്നത് അവൾ ദൂരെ നിന്നെ കണ്ടു…… അവളുടെ ഹൃദയമിടിപ്പിന്റെ വേഗത കൂടി……..അവൻ തന്റെ അടുത്ത് എത്തിയിരിക്കുന്നു…..

തന്നെ കണ്ടിട്ടും മുൻപ് കാണാറുള്ള സന്തോഷമില്ല…..ജെറിയുടെ മരണം എല്ലാരേയും പോലെ അവനെയും തളർത്തിയെന്നു തോന്നുന്നു…. ഒരുപക്ഷേ തന്റെ ശ്രമവും ആ ദുഃഖം മറക്കാൻ ഒരു കൈത്താങ്ങ് അല്ലെ …..

പതിവില്ലാതെ എന്നെ അവിടെ കണ്ടതിനാൽ അവൻ സംശയത്തോടെ എന്നെ നോക്കി….

“എന്താ ഇവിടെ……”

“ഞാൻ കാത്തു നിന്നതാ…..”

എന്റെ വാക്കവനിൽ ഞെട്ടലുണ്ടാക്കി….. പെട്ടെന്ന് അവന്റെ മുഖത്ത് പുഞ്ചിരി വിരിഞ്ഞു……

“എനിക്കൊരു കാര്യം പറയാനുണ്ട്….. ദിൽജിത് ഒന്ന് വരൂ…..”

അല്പം ഗൗരവമായി ഞാൻ അത് പറഞ്ഞപ്പോൾ അവന്റെ ചുണ്ടിലെ ചിരി മാഞ്ഞു……

ഒന്നും പറയാതെ ഞാൻ നടന്നു…. എനിക്ക് പിന്നിൽ കാര്യം എന്തെന്ന് അറിയാൻ അനുസരണയുള്ള കുട്ടിയെ പോലെ അവനും…..

മലയാളം ഡിപാർട്മെന്റിന് പിന്നിലെ മരച്ചുവട്ടിലേക്ക് ആണ് ഞങ്ങൾ പോയത്….

“എനിക്കൊരു വിവാഹാലോചന വന്നിട്ടുണ്ട്..”..

അവൾ പറഞ്ഞു….

കേട്ടത് വിശ്വസിക്കാൻ ആകാതെ ഞാൻ അവളെ നോക്കി നിന്നു…..