ക്യാമ്പസ് ഡയറി [മനൂസ്] 363

പല്ല് കടിച്ചു അവൾക്കും കൊടുത്തു ഒരു പുഞ്ചിരി…. നിനക്ക് ഞാൻ വച്ചിട്ടുണ്ടടീ വെറുക്കപ്പെട്ടവളെ…….

“നമ്മൾ മൂന്ന് പേരാണ് നിലവിൽ ഈ അടുത്ത കാലത്തായി ഇവിടെ വന്ന് കയറിയത്…..”

ചിരിച്ചുകൊണ്ട് പ്രണിത പിന്നീട് പലതും പറഞ്ഞു…. പക്ഷെ ഞാൻ അതൊന്നും കേട്ടിരുന്നില്ല….. ഓർമകളുടെ കുത്തൊഴുക്ക് മനസ്സിലേക്ക് കടന്ന് വന്നു……

എന്തോ പറഞ്ഞൊപ്പിച്ചു ഞാൻ അവിടുന്ന് തടി തപ്പി നേരെ ബാത്റൂമിലേക്ക് പോയി…..കടുത്ത മൂത്രശങ്ക….. പണ്ടേ ഉള്ള സ്വഭാവമാ ടെൻഷൻ അടിച്ചാൽ പണി പാളും……

ഒടുവിൽ കാര്യം സാധിച്ചു പുറത്ത് വന്നു….. ആഹാ ലോകം വെട്ടിപിടിച്ച ജേതാവിനെ പോലെ…..ലോട്ടറി അടിച്ചാൽ പോലും ഇത്ര സുഖവും സന്തോഷവും കിട്ടില്ല…അപ്പോഴേക്കും മനസ്സും ഒന്ന് ശാന്തമായി..

ശേ….. എന്തൊക്കെ പറഞ്ഞു പടിച്ചാണ് ഈ കോളേജിലേക്ക് വന്നത് ,,നാളുകൾ നീണ്ട കണക്ക് കൂട്ടലുകൾ ആയിരുന്നു ഈ ഒരു ദിവസത്തിന് വേണ്ടി ഞാൻ ചെയ്തത് …എന്നിട്ടിപ്പൊ എല്ലാം ഞാൻ തന്നെ കൊളമാക്കി…..

അയ്യേ ദിലു… മോശം മോശം…. എനിക്ക് എന്നോട് തന്നെ പുച്ഛം തോന്നി……ബ്ലഡി ഫൂൾ….

“എന്താടാ ഒരു ആലോചനാ……”

പുറകിൽ നിന്നും ഒരു വൃത്തികെട്ട സ്വരം…. നേരത്തെ വന്ന ആ നേതാവ് തന്നെ ആണെന്നു എനിക്ക് തിരിഞ്ഞ് നോക്കാതെ തന്നെ മനസ്സിലായി….. കാരണം ഇമ്മാതിരി ഊള സൗണ്ട് ഒറ്റ തവണ കേട്ടാൽ പിന്നെ ആരും മറക്കില്ല……

“ചോദിച്ചത് കേട്ടില്ലേടാ……”

ശെടാ….. ഇവന്മാര് എല്ലിൻ് കഷണം കണ്ട പട്ടിയെ പോലെ എന്റെ പുറകെ നടക്കുന്നത് എന്തിനാ….. രണ്ടങ് പൊട്ടിച്ചാലോ…. അല്ലെ വേണ്ടാ….എന്റെ ടൈം ശരിയല്ല…. എന്റെ ലക്ഷ്യം നേടുന്നത് വരെ എനിക്ക് പിടിച്ച് നിൽക്കണം ……

“ഒന്നുമില്ല ചേട്ടാ….. ഞാൻ ഈ കോളേജിന്റെ ഭംഗിയൊക്കെ നോക്കിയതാ……”