‌

കൃഷ്ണവേണി V

Author : രാഗേന്ദു

[ Previous Part ]

 

കൂട്ടുകാരെ.. കഴിഞ്ഞ ഭാഗത്ത് നിങ്ങൾ തന്ന സ്നേഹത്തിനു തിരിച്ച് ഒരു നൂറ് ഇരട്ടി സ്നേഹം..
എപ്പോഴും ആമുഖത്തിൽ പറയുന്നത് പോലെ ഒന്നും പ്രതീക്ഷിക്കാതെ വായ്ക്കുക..പതിവ് പോലെ അക്ഷര തെറ്റുകൾ ഞാൻ പരമാവതി കറക്റ്റ് ചെയ്തിട്ടുണ്ട്.. ഇനിയും അഥവാ ഉണ്ടെങ്കിൽ ക്ഷമിക്കുക..
സ്നേഹത്തോടെ❤️

തുടർന്ന് വായ്‌ച്ചോളു..

ഒഴുകി വന്ന കണ്ണുന്നീർ ഞാൻ വാശിയോടെ തുടച്ചു.. ഇനി ഒരാൾക്ക് വേണ്ടിയും ഞാൻ സങ്കടപെടില്ല.. ഇനഫ്..!

അകത്ത് ചെന്ന് അടുക്കളയിൽ ഫ്രിഡ്ജിൽ നിന്നും ഒരു കുപ്പി വെള്ളം എടുത്ത് കുടിച്ചു..

ഈ കഴിഞ്ഞ് ദിവസങ്ങളിൽ ഞാൻ കാണിച്ച് കൂട്ടിയത് ഓർത്ത് എനിക്ക് തന്നെ പുച്ഛം തോന്നി..

ഇട്ടിരുന്ന ബനിയൻ വലിച്ചഴിച്ചു ബാത്‌റൂമിൽ ഷവറിന്റെ അടിയിൽ നിന്നു.. മനസ് കൈവിട്ടു പോകുന്നു..

പാടില്ല ഞാൻ ഒരു കോളേജ് അദ്ധ്യാപകൻ ആണ്. അവളുടെ ഭാഗത്ത് തെറ്റില്ല.. അതുപോലെ അവളെ അവിടെ കൊണ്ടുവിട്ടു എന്നതൊഴിച്ചാൽ എന്റെ ഭാഗത്തും…

കുറെ നേരം ഷവറിന്റെ കീഴിൽ നിന്നു.. സമാധാനം തോന്നി തണുത്ത വെള്ളം ദേഹത്ത് വീണപ്പോൾ.. പുറത്തു വന്നു ദേഹം തുടച്ചു ഒരു ഷോർട്സ് എടുത്തിട്ടു.. ഫ്രിഡ്ജിൽ നോക്കി.. ഒരു ഹെയ്‌നിക്കെൻ ബിയർ ബോട്ടിൽ കയ്യിൽ എടുത്തുകൊണ്ടു ബാൽകണിയിലേക്ക് നടന്നു..

സന്ധ്യ സമയം ആണ്.. അവിടെ കസേരയിൽ ഇരുന്ന് ആകാശത്തേക്കു നോക്കി ബിയർ ബോട്ടിൽ വായിലേക്ക് കമിഴ്ത്തി..

സ്നേഹത്തിൻ്റെ പുറത്ത് സമ്മതിച്ച് കൊടുത്തതാണ്.. പക്ഷേ കിട്ടിയതോ.. അവഗണന.. ഫ്രം ഈച്ച് ആൻഡ് എവിരി വൺ.. ഇനി ഇല്ല…

ആ പഴയ ആഷ്‌ലി.. ആരുടെ മുഖം നോക്കാതെ എന്തും തുറന്ന് പറയുന്നവൻ.. ആർക്ക് വേണ്ടിയും വിട്ടിവീഴ്ച ചെയ്യാത്തവൻ.. ഇതൊക്കെ എവിടെ..!! ഞാൻ ആകെ മാറിയിരിക്കുന്നു..

പഴയ ആഷ്‌ലി ആകണം.. എൻ്റെ ചുണ്ടിൽ ഒരു പുഞ്ചിരി വിടർന്നു..

അമ്മേ വിളിച്ച് സംസാരിക്കണം എന്ന് തോന്നി..

അകത്ത് ചെന്ന് ഫോൺ എടുത്ത് ഞാൻ അമ്മയുടെ നമ്പർ ഡയിൽ ചെയ്തു… റിംഗ് ചെയ്യുന്നുണ്ട് എങ്കിലും അവിടെ നിന്നും ഒരു റസ്പോൺസും ഇല്ല .. വിട്ടില്ല ഡാഡീയെ വിളിച്ചു.. രണ്ട് മൂന്ന് റിംഗ് ആയപ്പോൾ ഡാഡി ഫോൺ എടുത്തു..

“ഹേയ് ആഷ്..”