ഒന്നും ഉരിയാടാതെ 18

Onnum uriyadathe

Author : നൗഫു |||<Previuse part

സുഹൃത്തുക്കളെ ടയർഡ്‌ ആണ്.. വണ്ടി കിട്ടിയപ്പോൾ അതിന്റെ പിറകെ ഉള്ള ഓട്ടം.. നാട്ടിലെ പോലെ ഒന്നും അല്ല…

 

ഈ പാർട്ട്‌ ഇച്ചിരി ചെറുതാണ്.. അത് കൊണ്ട് തന്നെ ഒറ്റ പേജിൽ വിടുന്നു…

കഥ ഇങ്ങനെ തന്നെ എഴുതാൻ കഴിയുന്നുള്ളു.. ബാവു വാണ് മനസിൽ ഉള്ളത്.. അവന്റെ ഓരോ ഭാഗവും നല്ല വെടിപ്പായി തന്നെ നിങ്ങളുടെ ഹൃദയത്തിൽ നിറഞ്ഞു നിൽക്കാൻ ഞാൻ ആഗ്രഹിക്കുന്നു…

ദിവസവും വിടുന്നത് കൊണ്ടാണെന്നു തോന്നുന്നു.. പെട്ടന്ന് മുന്നോട്ട് പോകാത്തത് പോലെ നിങ്ങൾക് തോന്നുന്നത്..  പേജ് കൂട്ടിയാൽ കുറച്ചു മുന്നോട്ട് പോകുമെന്ന് അറിയാം.. ബട്ട്‌.. ഡെയിലി എന്നുള്ളത് മാറ്റേണ്ടി വരും.. ഇനി നിങ്ങളുടെ ഇഷ്ടം ❤❤❤

 

ഈ കഥ യോട് ഉള്ള ഇഷ്ടം കൊണ്ടാണ് ഒരു ദിവസം രണ്ടെണ്ണം ആയാലും മൂന്നെണ്ണം ആയാലും നിങ്ങൾ തരാൻ പറയുന്നത്… അന്നേരം ഒരു സീൻ മാത്രമേ എഴുതാൻ പറ്റു.. അത് ചിലപ്പോൾ ലാഗ് ആയി തോന്നുകയും ചെയ്യും..  എനിക്ക് ഈ കഥയിൽ നിങ്ങളോടെ ഒരുപാട് കാര്യം പറയാൻ ഉണ്ട്..

 

എന്നാൽ thu

 

S

 

 

സമയം പോയതറിഞ്ഞില്ല… പതിനൊന്നു മണി ആയിട്ടുണ്ട്…

 

“എന്താടി മുഖത്തിന്‌ ഒരു വാട്ടം…” 

 

നാജി ബൈക്കില്‍ നിന്നും ഇറങ്ങിയപ്പോൾ ഒരു ക്ഷീണം പോലെ തോന്നിയത്  കണ്ടു ഞാൻ ചോദിച്ചു…

 

“പണി പാളി..

 

“എന്തെ എന്ത് പറ്റി…”

 

“ബ്ലീഡിങ് ആണെന്ന് തോന്നുന്നു.. നല്ല നനവുണ്ട്…”

 

“എവിടെ നോക്കട്ടെ…”

 

“പോടാ.. നീ പോയി ബെല്ലടിച്ചെ..”

 

നാജി പറഞ്ഞത് കേട്ടു ഞാൻ വീടിന്റെ ബെല്ലടിച്ചു ഉമ്മ വരുന്നതും കാത്തു നിന്നു…

 

“ആ.. നിങ്ങൾ നേരം വൈകി അല്ലെ..”

 

“ആ ഉമ്മ.. അവളുടെ ഫ്രണ്ട്സിനെ കണ്ടു ഇരുന്നപ്പോൾ സമയം പോയത് അറിഞ്ഞില്ല..”

 

“ഇനി രാത്രി മഴ പെയ്യുമോ എന്നുള്ള പേടിയിലായിരുന്നു ഞാൻ ..  ഭാഗ്യം.. എന്റെ കുട്ടികള്‍ എത്തിയല്ലോ..” 

 

ഉമ്മ വീണ്ടും പറഞ്ഞു നാജിയെ നോക്കി..

 

“എന്താ മോളെ… എന്ത് പറ്റി.. നിനക്ക് നടക്കാൻ കഴിയുന്നില്ലേ…”

 

പിറകിലേക് നോക്കിയ ഞാൻ കണ്ടത് ഉള്ളിലേക്കു കയറാൻ പറ്റാതെ  വീടിന്റെ ചാരു പടിയിൽ ചാരി നിൽക്കുന്ന നാജിയെ ആണ്.. ഉമ്മ ഉടനെ അവളുടെ അടുത്തേക്കെത്തി..

 

“എന്ത് പറ്റി മോളെ..”

 

“ഉമ്മ.. അത്.. മാസമുറ ആയിട്ടുണ്ട്..”

 

“അതിന് എന്താ നിനക്ക് ഇത്ര തളർച്ച…”

 

“ഉമ്മ എനിക്ക് ഉള്ളിൽ നിന്നും എന്തോ പോകുന്നത് പോലെ.. കൂടെ എന്റെ കാൽ ഉയർത്തി വെക്കാന്‍ പറ്റുന്നില്ല.. നല്ല വേദന ഉണ്ട്…”