ഇവാ, An Angelic Beauty Part 5 [മാലാഖയുടെ കാമുകൻ] 1889

***

ഇവാ കാല് ശരിയായിട്ടാണ് കോളേജിലേക്ക് വന്നത്.. അവൾ അന്ന് വളരെ സന്തോഷവതി ആയിരുന്നു..

സാധാരണ പോലെ സീറ്റിൽ ഇരുന്ന റോക്കിന്റെ കവിളിൽ ഒന്ന് തൊട്ടു അവൾ പുറകിലെ സീറ്റിൽ പോയി ഇരുന്നു..

അവൻ അവളെ നോക്കി.. മുടി നീണ്ടിട്ടുണ്ട്.. കാതിൽ ജിമിക്കി ഉണ്ട്.. കയ്യിൽ വളകൾ.. വേഷം ചുരിദാർ ആണ്.. അവൾ പോലും അറിയാതെ അവൻ അവളെ ഒരു നാടൻ പെണ്ണുപോലെ ആക്കിയിരുന്നു.. അവളുടെ സൗന്ദര്യം കൂടുകയാണ് ഉണ്ടായത്..

അവൻ നോക്കുന്നത് കണ്ടപ്പോൾ അവളുടെ മുഖത്തേക്ക് രക്തം ഇരച്ചുകയറി.. അവൻ ചിരിയോടെ നോട്ടം മാറ്റി..

അന്ന് അവനും അവളും ജോണും ഒരുമിച്ചു ഇരുന്നാണ് കഴിച്ചത്.. മൂന്ന് പേരും തമാശകൾ പറഞ്ഞു കഴിക്കുന്നത് ആദ്യമായിട്ട് ആയിരുന്നു.. അവൾ ഇടക്ക് അവന് വാരിയും കൊടുത്തു.. അവൻ തിരിച്ചും..

വൈകുന്നേരം ഇവാ അവന്റെ ഒപ്പം വീട്ടിൽ എത്തി.. ഭദ്രയെ കണ്ടു സംസാരിച്ചു..

ഭദ്രക്ക് അവളെ ജീവനായിരുന്നു. അവൾ കാരണമാണ് റോക്ക് ജീവനോടെ ഉള്ളതെന്ന് അവൾക്ക് അറിയാം.. എന്നാൽ റോക്കിനോട് അതൊരിക്കലും പറയില്ല എന്നവൾ വാക്ക് പറഞ്ഞിരുന്നു..

***

“നമുക്ക് പെട്ടെന്ന് കുട്ടികൾ വേണ്ടാട്ടോ.. ആദ്യം കുറെ പ്രേമിക്കണം.”

ഇവാ റോക്കിന്റെ മടിയിൽ കിടന്ന് അവന്റെ മുഖത്തേക്ക് നോക്കി പറഞ്ഞു. അവർ ഒരു പാർക്കിൽ മരച്ചുവട്ടിൽ ആയിരുന്നു..

“പെൺകുട്ടി വേണം… നിന്നെപ്പോലെ..”

“നീയല്ലേ പറഞ്ഞത് എന്നെ സഹിക്കാൻ കഴിയുന്നില്ല എന്ന് എന്നിട്ട് ഒരെണ്ണം കൂടെ വേണോ..?”

അവൾ ചിരിയോടെ ചോദിച്ചപ്പോൾ അവൻ ചിരിച്ചു..

“അതല്ല.. നീ എന്റെ അല്ലെ…?”

അവൻ ചോദിച്ചതും അവൾ അവന്റെ കഴുത്തിൽ പിടിച്ചു വലിച്ചു അടുപ്പിച്ചു പ്രാന്തമായി ചുംബിച്ചു.. അവനും അവളുടെ മുടിയിൽ കൈവിരൽ കടത്തി മുറുക്കെ പിടിച്ചു..