ഇവാ, An Angelic Beauty Part 5 [മാലാഖയുടെ കാമുകൻ] 1889

“ശരിയാണ്.. അവൻ എന്റെയും കൂടെ അനിയൻ ആണല്ലോ.. സൊ അവന്റെ പഠിത്തം കഴിയട്ടെ. അത് വരെ നമുക്ക് പ്രേമിച്ചു നടക്കാഡോ…”

അവൻ അത് പറഞ്ഞപ്പോൾ അവളുടെ കവിളുകൾ ചുവന്നുവന്നു.

“ദേവീ ഭദ്രേ.. വിൽ യു മാരി മി..?”

പെട്ടെന്നാണ് അവൻ പോക്കറ്റിൽ നിന്നും ഒരു കൊച്ചു ബോക്സ് തുറന്നു ഒരു ഡയമണ്ട് റിങ് മുട്ടിൽ നിന്ന് അവൾക്ക് നേരെ നീട്ടിയത്..

അവൾ പെട്ടെന്ന് ഞെട്ടിപ്പോയി..

അവൾ പകച്ചു ചുറ്റും നോക്കി. ആരെയാണോ നോക്കിയത് അവൻ കട്ടിളയിൽ ചാരി ഒരു പുഞ്ചിരിയോടെ അവിടെ ഉണ്ടായിരുന്നു..

അവൻ തല കുലുക്കി കാണിച്ചു.. പുഞ്ചിരിയോടെ..

അവൾ ഒന്ന് ദീർഘമായി നിശ്വസിച്ചു…

“യെസ്…”

അവൾ കൈ നീട്ടി..

“ആഹാ അപ്പോൾ ഇനി എല്ലാം അങ്ങ് തീരുമാനിച്ചാൽ മാത്രം മതിയല്ലോ അല്ലെ..?”

ഒരാളുടെ സ്വരം കേട്ട് അവൾ ഞെട്ടി വാതിൽക്കലേക്ക് നോക്കി.. അജിത്തിന്റെ അച്ഛൻ അമ്മ..

അവൾ ഞെട്ടി അജിത്തിനെ നോക്കി.. ചിരിയാണ്. റോക്കിനും ചിരി.. അപ്പോഴാണ് എല്ലാവരും ഒത്തുള്ള ഒരു കളി ആയിരുന്നു അതെന്ന് ഭദ്രക്ക് മനസിലായത്..

“തങ്കകുടം പോലെ ഉണ്ട് മോൾ.. പൊന്നുപോലെ നോക്കിക്കോളാം അമ്മ..”

അജിത്തിന്റെ അമ്മ അവളെ ചേർത്തുപിടിച്ചു കൊണ്ട്‌അവളുടെ നിറുകയിൽ ചുംബിച്ചു..

ഭദ്രക്ക് പെട്ടെന്ന് അവളുടെ മമ്മയെ ആണ് ഓര്മ വന്നത്.. അവൾ അജിത്തിനെ നോക്കി.. അവൻ പുഞ്ചിരിയോടെ നോക്കി നിൽക്കുന്നു..

“കോടതിയിൽ പോയി കണ്ടാൽ ആ അഭിപ്രായം മാറും കേട്ടോ…”

റോക്ക് ചിരിയോടെ പറഞ്ഞപ്പോൾ അവൾ അടക്കം ചിരിച്ചു. ആന്തരീക്ഷം പെട്ടെന്ന് നർമ്മത്തിൽ ചാലിച്ചു..

സന്തോഷം ആയിരുന്നു എല്ലാവർക്കും.. അവിടെ നിന്നും കുറേനേരം കഴിഞ്ഞാണ് അവർ പോയതും..