ഇവാ, An Angelic Beauty Part 5 [മാലാഖയുടെ കാമുകൻ] 1888

“നാളെ.. നിനക്ക് ഇഷ്ടമുള്ളതുപോലെ വരാം..”

അവൻ അവളോട് പറഞ്ഞു അവളുടെ മുഖത്ത് ഒന്ന് തട്ടി.. ചിരിയോടെ.. അതിന് ശേഷം ക്ലാസ്സിലേക്ക് പോയി.. ഡാനി വീട്ടിലേക്ക് തിരികെ പോയി എന്ന് ജോൺ വന്ന് അവനോട് പറഞ്ഞു..

അല്പം കഴിഞ്ഞപ്പോൾ ഇവാ വന്നു അവനെ ഒന്ന് നോക്കി ചിരിച്ചു അവളുടെ ബെഞ്ചിൽ പോയി ഇരുന്നു..

“തോൽക്കില്ല മോനെ അവൾ.. വല്ലാത്തൊരു പെണ്ണ്…”

ജോൺ അവനോട് പറഞ്ഞപ്പോൾ അവൻ അവളെ ഒന്ന് പാളി നോക്കി.. ക്ലാസ്സിൽ ശ്രദ്ധിച്ചു ഇരിക്കുന്നു..

***

“പാവം പെണ്ണ്…”

എല്ലാം കേട്ടപ്പോൾ ഭദ്ര റോക്കിനോട് പറഞ്ഞു..

“നിർത്തിയാലോ എന്ന് ആലോചിക്കുന്നു.. എന്നിട്ട് യെസ് പറഞ്ഞാലോ..?”

അവൻ ചോദിച്ചപ്പോൾ അവൾ പുഞ്ചിരിച്ചു..

“മ്മ്മ്.. പഠിത്തം കഴിയണമല്ലോ. പിന്നെ നിന്റെ ആഗ്രഹം പോലെ കോളജ് ലെക്ച്ചറർ ആകാം.. അവളുടെ ഭാവി പ്ലാൻ എന്താണാവോ..?”

ഭദ്ര അവനെ നോക്കി..

“അവൾക്ക് ഒരു ഷോറൂം ഉണ്ട്.. സൂപ്പർകാറുകൾ ബൈക്കുകൾ ഒക്കെ ഉള്ളത്.. അവളുടെ ആണത്.. അത് വിടില്ല എന്ന് അവളുടെ സംസാരത്തിൽ നിന്നും തോന്നി..അല്ല ഡോക്ടർ അജിത്ത് എന്ത് പറയുന്നു..?”

അവന്റെ ചോദ്യം കേട്ടപ്പോൾ അവൾ ചിരിച്ചു..

“അങ്ങേരു എന്റെ ഉറക്കം കെടുത്തിയിട്ട് ഇപ്പോൾ സുഖമായി ഉറങ്ങുന്നുണ്ട്..”

അവൾ പറഞ്ഞപ്പോൾ അവന് ചിരി വന്നു..

“മ്മ്മ് നടക്കട്ടെ… നല്ല ചേർച്ച ആകും..”

അവൻ അവളെ കളിയാക്കിയപ്പോൾ അവൾ ചിരിച്ചു..

***

കോളേജിൽ എത്തി ബൈക്ക് പാർക്ക് ചെയ്തു റോക്ക് ക്ലാസ്സിലേക്ക് നടന്നു..

ക്ലാസ്സിന് മുൻപിൽ കുട്ടികളുടെ കൂട്ടം.. എല്ലാവരും അവനെ കണ്ടപ്പോൾ അവന്റെ അടുത്തേക്ക് ചെന്നു..