ഇവാ, An Angelic Beauty

Author : മാലാഖയുടെ കാമുകൻ

Previous Part

“ഡാ ഇതെന്താ..? അയ്യേ.. അവൾ എന്തിനാ നിന്നെ ഉമ്മവച്ചത്..? ഒരുമാതിരി ഇംഗ്ലീഷ് പടം പോലെ.. “

ജോൺ അവന്റെ തോളിൽ കൈവച്ചു അത് പറഞ്ഞപ്പോൾ ആണ് റോക്കിന് ബോധം വന്നത്.. അവൻ ഞെട്ടി ജോണിനെ നോക്കി..

ചുറ്റിനും കുട്ടികളുടെ കൂട്ടം. അതിൽ ചിലരുടെ കയ്യിൽ മൊബൈൽ റെക്കോർഡിങ്ങിൽ ആണ്.. നോക്കി നിൽക്കുന്ന ടീച്ചെഴ്സ്.. അടക്കം ചിരിക്കുന്ന കുട്ടികൾ.. ചിലർ തലയിൽ കൈവച്ചു നിൽക്കുന്നു..

അവരുടെ മുഖത്ത് സഹതാപം ആണോ എന്ന് റോക്കിന് തോന്നി..

അവൻ ഉടനെ ബൈക്കിൽ ചാടി കയറി.. വേഗം ബൈക്ക് എടുത്തു പായിച്ചു വീട്ടിൽ എത്തി..

പാർക്ക് ചെയ്ത ശേഷം ഉമ്മറത്തെ ചൂരൽ കസേരയിൽ ഇരുന്നു ആലോചിച്ചു.. അവന്റെ വിറയൽ മാറിയിട്ടില്ലായിരുന്നു..

“അവൾ എന്താണ് അങ്ങനെ ചെയ്തത്.. കോപ്പ്.. ഛെ മാനം പോയി.. “

അവൻ തലക്ക് കൈകൊടുത്തു അവിടെ ഇരുന്നു..

എത്ര നേരം അങ്ങനെ ഇരുന്നു എന്ന് അവന് അറിയില്ല അപ്പോഴാണ് ഭദ്രയുടെ കാർ ഗേറ്റ് കടന്നു വന്നത്..

അവൾ വണ്ടി പാർക്ക് ചെയ്തു നിറഞ്ഞ ചിരിയോടെ ഇറങ്ങി. റോക്ക് അവളെ കണ്ട് എഴുന്നേറ്റ് നിന്നു.. ഇനി അവളെ എന്ത് പറഞ്ഞു ഒതുക്കും എന്ന് ചിന്തിച്ചു..

അവനെ കണ്ട ഭദ്രയുടെ മുഖം ഒന്നുമാറി.. സംശയത്തോടെ നോക്കിയ അവൾ അവന്റെ ചുണ്ടിലെ മുറിവ് കണ്ടതും മുഖമൊക്കെ ചുവന്ന് ദേഷ്യം കൊണ്ട് വിറച്ചു..

“ആരാ..? ആരാ നിന്നെ അടിച്ചത്..?.. പറ.. പറ…കൊല്ലും ഞാൻ… ആരായാലും കൊല്ലും ഞാൻ അവനെ…”

അവൾ അലറുന്നത് പോലെ പറഞ്ഞുകൊണ്ട് ഓടിച്ചെന്നു അവന്റെ ദേഹത്ത് തപ്പി.. ചുണ്ടിൽ തൊട്ടു.. അവളുടെ മുഖം സങ്കടവും ദേഷ്യവും കൊണ്ട് നിറഞ്ഞു..