ആ രാത്രിയിൽ 6

AA RAATHRIYIL PART-6 | Author : Professor Bro  | previous part 

ആ രാത്രിയിൽ 1

“അതേ സർ,അദ്ദേഹം മരിച്ചത് അദ്ദേഹത്തിന്റെ വീട്ടിൽ വച്ചാണ്, അന്ന് അദ്ദേഹത്തിന്റെ വീട്ടിൽ അദ്ദേഹം അല്ലാതെ മറ്റാരും ഉണ്ടായിരുന്നില്ല, അദ്ദേഹത്തിന്റെ വീട്ടിൽ സി.സി.ടിവി ഉണ്ടായിരുന്നില്ല കുറച്ചു മാറി ഉണ്ടായിരുന്ന എ.ടി. എം ലെ ക്യാമറയിൽ ആണ് അവളുടെ രൂപം പതിഞ്ഞത് , ദൂരം കൂടുതൽ ആയതിനാലും അവളുടെ മുഖത്തെ മറച്ചുകൊണ്ട് ഒരോട്ടോ വന്നു നിന്നതിനാലും ആളെ മനസ്സിലായില്ല…”

“ഓട്ടോയോ, ഓട്ടോയിൽ ആണോ അവൾ അവിടെ നിന്നും രക്ഷപെട്ടത്,ആ ഓട്ടോയെക്കുറിച്ച് നിങ്ങൾ അന്വേഷിച്ചില്ലേ…”

“അന്വേഷിച്ചിരുന്നു സർ, ആ ഓട്ടോ പോയ വഴിയിൽ ഉണ്ടായിരുന്ന മുഴുവൻ സി.സി.ടിവി ക്യാമെറകളും ചെക്ക് ചെയ്തു സർ,പക്ഷെ ഒന്നിലും ആ ഓട്ടോ പെട്ടിട്ടില്ല.ചിലപ്പോ ഏതെങ്കിലും ഇടവഴി കയറി പോയിട്ടുണ്ടാകും,. ഈ സിറ്റിയിൽ എത്ര ഓട്ടോ ഉള്ളതാ അതിൽ നിന്നും ഒരാളെ എങ്ങനെ കണ്ട് പിടിക്കും സർ…”

അയാൾ പറഞ്ഞു നിർത്തിയപ്പോൾ മരക്കാർ എന്തോ ആലോചിക്കുകയായിരുന്നു

“ഒരു മിനിറ്റ്, അവൾ കൊല നടത്തിയിട്ട് പോകുന്നതിന് മുൻപ് ആ ഓട്ടോ വന്നു നിന്നു അല്ലെ…”

“അതേ സർ…”

“അങ്ങനെ ആണെങ്കിൽ അവൾ വന്നതും ഓട്ടോയിൽ ആണോ…”

“അല്ല സർ, ഞങ്ങൾ അത് ചെക്ക് ചെയ്തതാണ്, അവൾ വീടിന്റ ഉള്ളിലേക്ക് പോകുന്നതിന്റെ ദൃശ്യങ്ങൾ ഒന്നും തന്നെയില്ല, അവൾ അവിടെ നിന്നും ഇറങ്ങി പോകുന്നതിന് അര മണിക്കൂർ മുൻപാണ് ഡോക്ടന്റെ കാർ ഉള്ളിലേക്ക് പോയത്. ആ കാറിൽ തന്നെ ആയിരിക്കണം അവൾ ഉള്ളിലേക്ക് പോയിരിക്കുക…”